Des Mostviadl (aumtlich: Mostviertel) liegt im Siidwestn vo Nidaestareich, dem gresstn Bundesland vo Estareich. Es umfosst guat 1400 km² und zaaht si vo da Donaugrenz im Noadn und da Grenz zua Steiamoak im Sidn und va Owaöstareich im Westn bis zum Weanawoid im Ostn, drum homs sas friara a des Viadl owan Weanawoid ghaassn.

Es is des gresste vo de via Viadln va Nidaestareich, neman Wei-, Woid-, und Industrieviadl, und trogt sein Nauman weng sein typischn alkoholischn Drangl: In Most.

• Amstetten
• Waidhofn an da Ybbs
• Scheibbs
• Mök sidlich vo da Donau
• Lilienföd
• Tuin sidlich vo da Donau
• St. Pötn-Stod und St. Pötn-Land

• Mostviadla Kernlaund
• Eisnwuazn
• Strudngau
• Nibelungengau
• Wachau

Es gibt vü Suatn vo Opfe- und Bianmost, oft a ois Mischmost. De Mostheirign hom a launge Tradiziaun und a kuiturölle Bedeitung fia de Region.

Da Viakanta is fias Mostviadl typisch. Dazua kummt oft no aa steus Doch, meistns a Woim- oda Krippewoimdoch.

Des Mostviadlarische is aa ostmiddlboarische Variantn vo da boarischn Sproch. Behmische Händla hom scho fria etliche tschechische Weata mitbrocht, de wos za Lehnweatan wua san. Beispüsweis da Tragatsch (tschechisch: Tragac; a Scheibtruchn mit ana Sprossn-Trogflächn) oda de Duchand (a Fedabettdeckn). Späda san aa Weata ausm Weanarischn ins Mostviadl kumman: z. B. Lawua (Woschschissl) und Trottoa (Gehsteig).

De Richtungsaugom kennan im Mostviadl in jedn Derfal und in jeda Stod extrem variian.

• So foad ma zum Beispüü va Grestn noch Scheibbs aussi.
• Va Lunz genauso owa, va Staanakirchn foat ma einizua.
• Im genaröön foad ma owa ind Beag eini, noch Noadn aussi oda owi, und nochn Ostn und Westn daun umi.

• "Du host s'Bschteck zspood bschtöd."
• "Zwischn zwa Zwetschknzwoag zwitschan zwa Schwoim." oda
• "Zwischn zwa Zwetschknbam zwitschan zwa Schwoim."

• Mostviadl Fremdnvakea
• Mostviadla Dialekt

Viadln in Niadaestareich

Woidviadl | Weinviadl | Mostviadl | Industrieviadl