Sandhi (Sanskrit: संधि – „Zammasetzung“) is a Begriff aus da Sanskrit-Grammatik vom oidindschn Grammatika Panini, wo aa heit no in da Linguistik a Roin spuit, um systematische phonologische Endarunga ban Zammtreffa vo zwoa Morphem (Worttei) oda Lexem (Begriff) z beschreibm. Sandhi hod in Zweck de Ausproch z daleichtan, daduach dass afeinandafoigende Elemente oglicha wean. Dees ko beispuisweis duach Dazuafign oda Weglossa vo Phonem gschegn so wia duach de Vaendarung vom Artikulationsort oda vo da Phonation.
A internes Sandhi tritt af, wen zwoa Morpheme innahoib vo am Wort betroffa san.
A Beispui is de systematische Vaendarung vom Präfix 'syn- zu 'sym-. Wen s foigende Morphem mit am Labial ofangt, so wead da urspringlich alveolare Nasal n zum labialen Nasal m. Vagleich: Syn-opsis, Syn-these, ent-halten vs. Sym-pathie, sym-metrisch, emp-fangen. S Wort „Sandhi“ is sejm a Beispui fian umgekeatn Foi – es is a Zammasetzung aus „sam“ und „dhi“.
Externes Sandhi nennd ma vagleichboare phonologische Endarunga ban Afanandatreffa vo zwoa Weata.
Des ko ma zan Beispui reglmassi ba da Liaison im Franzesischn beobochdn. A Beispui ausm Englischn is de Obwondlung van unbstimmdn Artike: a wead za: an, wonns foingade Woat mid an Vokai ofongd.
Im Boarischn gibts an Haffa Sandhi-Owendunga, vui meara ois wia im Hochdeitschn.
Da easchte Sotz is im Foigandn jeweis ohne Sandhi, da zwoate mit Sandhi. Moast san aa boade Forma zualassi.