Ur bastard (bastarded, besterd el liester), pe ul laeradenn ivez, zo un den ganet e-maez ar briedelezh. En istor ar sevenadur kristen, met a-raok ivez, e veze dismegañset ar vesterd, ha n'o doa ket kement a wirioù hag o breudeur ganet er briedelezh.

Bastarded e-touez ar briñsed

E lezioù zo, er Grennamzer evel en Azginivelezh, e veze savet bugale ar rouaned hag ar briñsed mesk-ha-mesk, daoust d'an Iliz, a gondaone an avoultriezh. Kement-se zo gwir evit lez Frañsez II, dug Breizh, e Naoned, evel hini priñsed Italia, evel Medici Firenze, pe hini ar roue gall Loeiz XIV.

Pibien zo ivez hag o deus besterd.

Tud

Bastarded brudet zo bet, evel

• Karl Martel.
• «Gwilherm ar Bastard», ul lesanv all da Gwilherm II Normandi, anavezetoc'h evel Gwilherm an Alouber.
• Janed Bro-Saoz (war-dro 1195 - 1237), merc'h bastard d'ar roue Yann Dizouar, dimezet da Llywelyn Fawr.
• François d'Avaugour, mab bastard da Frañsez II, dug Breizh, lezvreur da Anna Breizh .
• Giacomo Boncompagni (1548-1612), mab bastard d'ar pab Gregor XIII.

Anv-tiegezh

Un anv-tiegezh eo ivez. Anaout a reer:

• Le Bastard, maer Roazhon
• Bastard, tad ha mab, kanerien er festoù-noz e kanton Kallag, e dibenn an XXvet kantved

Sterioù all

• Eus ul loen ha n'eo ket glan a ouenn e lavarer ivez ez eo bastard.
• Lizher bastard a reer eus ul lizher dizanv.

Lennegezh

Niverus eo ar vesterd el lennegezh.

• Bilzig zo lakaet da vastard, ha lavaret e vez eo bet beuzet e dad e stank ar vilin-avel.
• Le Bâtard de Mauléon, romant istorel gant Alexandre Dumas
• "Bastard", un danevell gant Erskine Caldwell

Gerioù deveret

• Bastardiñ
• Bastardiezh: stad ar bastard