E mitologiezh Henc'hres, ar Faiakiaiz[1] (en henc'hresianeg οἱ Φαίακες hoi Phaíakes, eus an henc'hresianeg φαιός phaiós, « gris[2] ») zo ur boblad moraerien, deskrivet gant Homeros e kanoù VI, VII, VIII ha XIII an Odysseia.
El lodenn vrudetañ eus an Odysseia diwar o fenn e tanevell Homeros penaos e kasont Odysseüs da Itaka. Lezel a reont anezhañ en e enezenn e-keit ha m'emañ o kousket ha pa zihun e kav profoù Faiakiaiz en e gichen. Poseidon a gastiz anezhe eus ar sikour o deus roet da Odysseüs ouzh o treiñ e maen war o hent d'ar gêr.