MONUMANT ISTOREL
Talbenn Iliz-veur Kemper gant delwenn ar roue Gradlon etre an div gorzenn

Unan eus nav ilizoù-meur Breizh eo Iliz-veur Sant-Kaourintin, sez Eskopti Kemper ha Leon. Savet eo bet e Kemper (Kerne) war lec'hiad an iliz romanek dediet d'an Itron Varia (XI^vet kantved). E-touez an ilizoù-meur gotek koshañ e Breizh eo gant hini Kastell-Paol hag hini Landreger.

Istor

Diwar intrudu an eskob Rainaud, kañseller Per Iañ, dug Breizh eo bet kaset al lañs evit he sevel e 1239. Mont a ra buan a-walc'h al labourioù, met daleoù a zo bet gant an diaesterioù degaset gant Brezel hêrezh dugelezh Breizh er XIV^vet kantved hag ar c'hleñvedoù-red. Kensakret eo bet ar chantele e 1287, met echuet eo bet e 1300 hag eo bet bolzet e 1410 dindan ren Yann V a Vreizh.

Mentoù

• Hirder (eus ar porched da c'houeled ar penn-chantele) : 92,45 m
• Hirder ar groazenn : 36 m
• Hirder an nev : 36 m
• Uhelder ar c'hreiz (nev ha chantele) : 20,20 m
• Ledander ar c'hreiz (nev ha chantele) : 8 m (nev), 9 m (chantele)
• Uhelder pep tour : 40 m
• Uhelder ar c'horzennoù : 35,40 m
• Ledander an dremm : 34 m

Liammoù diavaez

• (br) Iliz-veur Sant-Kaourintin war lec'hienn an ti-kêr
• (fr) Eskopti Kemper. Kavet : 03 Eost 2020.

Muioc'h a restroù diwar-benn

Iliz-veur Kemper

a vo kavet e Wikimedia Commons.