Josilin
Bourc'h Josilin ha kastell ar Roc'haned war ribl an Oud.
Anv gallaouek	Jocelein
Anv gallek (ofisiel)	Josselin
Bro istorel	Bro-Sant-Maloù
Melestradurezh
Departamant	Mor-Bihan
Arondisamant	Pondi
Kanton	Ploermael
Kod kumun	56091
Kod post	56120
Maer Amzer gefridi	Nicolas Jagoudet 2020-2026
Etrekumuniezh	Ploermael Kumuniezh
Bro velestradurel	Bro Ploermael - Kalon Breizh
Lec'hienn web	(fr)www.josselin.com
Poblañsouriezh
Poblañs	2 511 ann. (2020)[1]
Stankter	560 ann./km²
Douaroniezh
Daveennoù lec'hiañ	47° 57′ 24″ Norzh 2° 32′ 50″ Kornôg / 47.9566666667, -2.54722222222
Uhelderioù	kreiz-kêr : 30 m bihanañ 32 m — brasañ 93 m
Gorread	4,48 km²
Josilin
kemmañ

Josilin a zo ur gumun eus Breizh e kanton Ploermael e departamant ar Mor-Bihan.

Douaroniezh

• Ar stêr Oud a dreuz ar gumun.

Kumunioù amezek

	Lannoez	Lannoez	Ar Groez-Helean
	Lannoez, Gwegon	N	Ar Groez-Helean
		K    Josilin    R
		S
	Gwegon	Gwegon	Gilieg

Ardamezioù

Rannet : ouzh 1 en gul e leon en argant, kurunet en aour ; ouzh 2 en gul e gastell gant teir zourigell en aour, goulaouet en sabel ; e grenngonk en erminig.[2]

Istor

Dispac'h Gall

• Melestradurezh: krouet e voe kumun Josilin e 1790^[3]. Gant al lezenn eus an 23 a viz Eost 1790 e voe lakaet Josilin da benn ur c'hanton, hini Josilin, ha da benn ur bann, hini Josilin^[4], eizh kanton ennañ: an Drinded-Porc'hoed, Begnen, Brehant-Loudieg, Josilin, Gwegon, Lannoez, Pluveleg ha Regini. Gant Bonreizh Bloaz III (22 a viz Eost 1795) e voe lamet ar bannoù ha bodet e veze kuzulioù-kanton (ne chome tamm emrenerezh ebet gant kumunioù ar c'hanton)^[5]. Brasaet e voe Kanton Josilin e 1801 gant lezenn an 8 pluviôse an IX (28 a viz Genver 1801)^[6], dezhi an titl loi portant réduction du nombre de justices de paix. Lakaet e oa bet en Arondisamant Ploermael krouet e 1800.
• Dekred eus ar 26 a viz Du 1790 war al le ret: embann a reas trizek beleg eus ar gumun^[7] e oant mennet da nac'h al le ouzh ar Roue, ar vro hag al lezennoù.

XX^vet kantved

Brezel-bed kentañ

• Mervel a reas 104 gwaz eus ar gumun abalamour d'ar brezel, eleze 4,42 % eus he foblañs e 1911^[8].

Eil brezel-bed

• D'an 19 a viz Even 1940 e tegouezhas al lu alaman e Josilin^[9].
• D'ar 24 a viz Mae 1944 e voe kemeret 69 138 Lur en ti-post gant tud eus ar Rezistañs^[10].
• D'ar 4 a viz Eost 1944 e voe fuzuilhet tud e Josilin gant al lu alaman^[11].
• D'ar 5 a viz Eost 1944 e teuas un hanter-gevrenn eus ar Rezistañs FTP tre e Josilin, an FFI a zeuas war o-lerc'h ha tapet e voe seizh milour alaman gante^[12].
• Mervel a reas pevarzek den abalamour d'ar brezel^[13].

Brezelioù didrevadennañ

• Mervel a reas daou waz e Brezel Indez-Sina hag unan e Brezel Aljeria^[14].

Brezhoneg

• Klasoù divyezhek a zo eno abaoe 2003.
• E distro-skol 2022 e oa 50skoliad enskrivet er c'hlasoù divyezhek (12,3 % eus skolidi ar gumun evit a sell ouzh ar c'hentañ derez)^[15].

Monumantoù ha traoù heverk

• 
  Ti kozh er c'hreiz-kêr.
• 
  Tiez kozh er c'hreiz-kêr.
• 
  Iliz ar Groaz-Santel.

• Tiez kozh.
• Kastell Josilin.
• Monumant ar re varv.
• Iliz katolik ar Groaz-Santel.

Poblañs

Emdroadur ar boblañs abaoe 1962

Niver a annezidi

Melestradurezh

Tud

• Olier V Klison, aotroù marvet e Josilin.
• Allain, person parrez an Intron-Varia, bet kannad e Breujoù Meur Bro-C'hall hag er Vodadenn vonreizhañ vroadel^[16].
• Julien Le Blaye, noter ha prokulor e Gwegon, merour e Bann Josilin e 1790, bet dilennet da Lez-Varn ar bann e 1792, brogarour mat ha gredus hervez Prieur de la Marne; dilezel a reas e garg a varnour evit mont da verour ar bann d'ar 14 nivôse an II (3 a viz Genver1794). Da c'houde e voe maer e Josilin ha klask a reas mont da varnour a beoc'h e 1807^[17].
• Denise Josse-Elicot (1921-2014), rezistantez ganet e Josilin.

Gevelliñ

• Alzey ( Alamagn)
• Kiberen ( Breizh)

Liammoù diavaez

• (fr)Lec'hienn an ti-kêr

Dave ha notennoù

Muioc'h a restroù diwar-benn

Josilin

a vo kavet e Wikimedia Commons.