Kaodan
An ti-kêr, 1957-1958.
Anv gallek (ofisiel)	Caudan
Bro istorel	Bro-Gwened
Melestradurezh
Departamant	Mor-Bihan
Arondisamant	an Oriant
Kanton	Lannarstêr
Kod kumun	56036
Kod post	56850
Maer Amzer gefridi	Fabrice Vély 2020-2026
Etrekumuniezh	An Oriant tolpad-kêrioù
Bro velestradurel	Bro an Oriant
Lec'hienn web	http://www.caudan.fr
Poblañsouriezh
Poblañs	7 091 ann. (2020)[1]
Stankter	166 ann./km²
Douaroniezh
Daveennoù lec'hiañ	47° 48′ 41″ Norzh 3° 20′ 21″ Kornôg / 47.8114, -3.3392
Uhelderioù	kreiz-kêr : 52 m bihanañ 2 m — brasañ 84 m
Gorread	42,63 km²
Kaodan
kemmañ

Kaodan a zo ur gumun eus Breizh e kanton Lannarstêr e departamant ar Mor-Bihan.

Douaroniezh

Anv

• Erwan Vallerie ː Caudan, 1264, 1278, 1327, 1332, 1387; Cauden, 1411; Cauden, Caudan, Caudon, 1516; Codan, 1636

Gerdarzh

Ardamezioù

Brezhoneg

• D'an 30 a viz Gwengolo 2010 e oa bet votet live 1 ar garta Ya d'ar brezhoneg gant kuzul-kêr ar gumun.
• D'an distro-skol 2014 e oa bet digoret un hentad divyezhek er skol katolik Sant-Jozeb. 124 skoliad o doa lakaet o anv en hentad-se e 2022 (16,2 % eus skolidi ar gumun evit a sell ouzh ar c'hentañ derez)^[2].

Istor

Dispac'h Gall

• Melestradurezh: krouet e voe ar gumun e 1790. Gant al lezenn eus an 23 a viz Eost 1790 e voe lakaet Kaodan e kanton Pont-Skorf; e Bann Henbont e oa; miret ha brasaet e voe ar c'hanton e 1801 dindan anv Kanton Pont-Skorf ivez gant al lezenn eus an 8 pluviôse an IX (28 a viz Genver 1801), dezhi an titl loi portant réduction du nombre de justices de paix; lakaet e voe Pont-Skorf en Arondisamant an Oriant e 1800^[3],[4].
• Dekred eus ar 26 a viz Du 1790 war al le ret: e penn-kentañ 1791 e voe nac'het al le ouzh ar Roue, ar vro hag al lezennoù gant ar pevar beleg katolik eus ar gumun^[5].

XX^vet kantved

Lannarstêr

• 1909: tapet e voe ul lodenn eus kumun Kaodan evit krouiñ kumun Lannarstêr d'ar 26 a viz Meurzh^[6].

Brezel-bed kentañ

• Mervel a reas 101 gwaz eus ar gumun abalamour d'ar brezel, da lavareteo 4,06 % eus he foblañs e 1911^[7].
• Ur milour ag ar gumun a voe fuzuilhet d'an 23 a viz Even 1916 gant al Lu gall e Kalinova (Gres)^[8].

Eil Brezel-bed

• 
  An iliz eus an XIX^vet kantved, bet distrujet e miz Eost 1944.
• 
  Monumant kodianidigezh Alamaned Sankenn an Oriant.

• Erruout a reas al lu SUAat e Kaodan d'ar 7 a viz Eost 1944. An Alamaned a dennas eus an Oriant gant kanolioù: distrujet e voe an iliz katolik hag ul lodenn vat eus ar vourc'h gante.
• C'hwec'h den nann-soudard eus Kaodan a voe fuzuilhet e Lannarstêr gant an Alamaned d'an 9 a viz Eost 1944^[9]; en hevelep devezh e voe fuzuilhet pevar den nann-soudard eus ar memes tiegezh (an tad, ar vamm hag an daou vab) e Kaodan^[10].
• D'an 11 a viz Eost e teuas ur golonenn alaman betek ar vourc'h evit lakaat ar c'hloc'hdi da darzhañ^[11].
• E Kaodan, da 4 eur goude merenn d'an 10 a viz Mae 1945, en em zaskoras ar jeneral Fahrmbacher, penn ar vilourion alaman o terc'hel Sankenn an Oriant, d'ar jeneral Kramer, penn an 66vet Rann-Arme Troadeion SUA, ha d'ar jeneral Borgnis-Desbordes, penn an 19vet Rann-Arme Troadeion Bro-C'hall^[12],[13].
• Mervel a reas unnek den abalamour d'ar brezel ^[14].

Brezelioù didrevadennañ

Brezel Indez-Sina

• Lazhet e voe ur c’haporal eus ar gumun d'an 13 a viz Mae 1948 en un ambuskad etre Muong Lieu hag Yên Châu en Tonkin er Viêtnam^[15].

Brezel Aljeria

• Mervel a reas ur soudard eus ar gumun d’ar 15 a viz Mae 1958 ^[16].

Monumantoù ha traoù heverk

• 
  An iliz katolik.
• 
  Ar chapel.
• 
  Kalvar er vourc'h.

• Iliz katolik Sant Pêr ha Sant Paol, 1960-1962.
• Chapel Intron-Varia an Erc'h.
• Ar c'halvar.
• Monumant kodianidigezh Alamaned Sankenn an Oriant.
• Monumant ar re varv.

Emdroadur ar boblañs abaoe 1962

Niver a annezidi

Melestradurezh

Tud

• Benito Mussolini, dispac'hour italian, a zeuas betek Kaodan e 1906^[17].

Tud bet ganet eno

• Eugène Guegan (14 a viz Du 1888-23 a viz Even 1916), soudard breizhat bet fuzuilhet d'an 23 a viz Even 1916 gant al Lu gall e Kalinova (Gres) e-pad ar Brezel-bed kentañ^[18].

Ardamezeg ar familhoù

	de Baud Aotrounez Kermen	En glazur e zek hanochenn en aour, 4, 3, 2, 1

Gevelliñ

Liammoù diavaez

• (br)Kaodan war lec'hienn Geobreizh

Levrlennadur

• (br)Erwan Vallerie : Diazezoù studi istorel an anvioù-parrez. Corpus. An Here. 1995

Daveoù ha notennoù