Ur pennad Langon zo ivez.

Landegon

An ti-kêr.

Anv gallaouek

Langon

Anv gallek (ofisiel)

Langon

Melestradurezh

35145

35660

Maer
Amzer gefridi

Jean-Yves Colléaux
2020-2026

https://www.langon35.bzh/

Poblañsouriezh

Poblañs

1 372 ann. (2020)^[1]

Stankter

38 ann./km²

Douaroniezh

Daveennoù
lec'hiañ

47° 43′ 13″ Norzh
1° 50′ 48″ Kornôg / 47.7202777778, -1.84666666667

Uhelderioù

kreiz-kêr : 20 m
bihanañ 1 m — brasañ 97 m

Gorread

36,54 km²

Landegon

Landegon (Langon e galleg hag e gallaoueg) a zo ur gumun eus Breizh e Kanton Redon e departamant Il-ha-Gwilen.

Ardamezioù

En argant e houarn tridantek en sabel ; kabellet ouzh dehou en glazur e erminig en argant hag ouzh kleiz en gul e dañvouezenn ed en aour ; e dostal en geoted, karget gant tri feulvan en-gwirion balirant.

Douaroniezh

Pont Port de Roche, savet en 1868 war ar Gwilun.

War lez ar Gwilun emañ Landegon.

Dezougen

Ar porzh-houarn.

War al linenn hent-houarn Roazhon Redon emañ Landegon.

Istor

XV^vet kantved

E 1449 e voe lakaet ar barrez en Eskopti Redon, bet savet e miz Even ha diskaret e miz Kerzu^[2].

XX^vet kantved

Brezel-bed kentañ

Mervel a reas 104 gwaz abalamour d'ar brezel hervez monumant ar re varv, eleze 5,19% ag ar boblañs hervez an niveradeg bet graet e 1911^[3]. Nav anezhe a varvas d’an 22 a viz Eost 1914, e penn-kentañ ar brezel, e Belgia, daou en Arsimont, unan a oa soudard en 71vet Rujumant Troadegiezh^[4], egile a oa korporal er 70vet Rujumant Troadegiezh^[5]; pemp soudard arall a varvas en Emgann Rossignol, pevar a oa soudard er 1añ Rujumant Troadegiezh Drevadennel^[6]^,^[7]^,^[8]^,^[9] hag unan a oa soudard er 1añ Rujumant Troadegiezh Drevadennel^[9]; daou all a varvas e Virton, unan a oa soudard er 124vet Rujumant Troadegiezh^[10], egile a oa soudard er 130vet Rujumant Troadegiezh^[11].

Eil Brezel-bed

Mervel a reas trizek den ag ar gumun abalamour d'ar brezel^[12].
Dieubet e voe Landegon d'an 3 a viz Eost 1944 gant ar "Combat Command B" eus ar 4^re Rannlu Hobregonet eus tirlu SUA^[13].
Seizh gwaz yaouank ag ar gumun ha daou zen yaouank all a voe fuzuilhet e Port-de-Roche er gumun gant an Alamaned d’ar 6 a viz Eost 1944, er Rezistañs e oant^[14]^,^[15].

Monumantoù ha traoù heverk

Ur chapel zo, e bourk Langon, da Santez Agata, hag a oa dediet d'ar sant Venier (ecclesia sancti veneris) en IXvet kantved, a c'hallfe bezañ Gwigner enoret e Pluigner, pe un doare da guzhat e oa bet savet en enor d'an doueez Gwener.