Langedig
Ar maerdi.
Anv gallek (ofisiel)	Languidic
Bro istorel	Bro-Gwened
Melestradurezh
Departamant	Mor-Bihan
Arondisamant	an Oriant
Kanton	Henbont
Kod kumun	56101
Kod post	56440
Maer Amzer gefridi	Laurent Duval 2020-2026
Etrekumuniezh	Kab an Oriant tolpad-kêrioù
Bro velestradurel	Bro an Oriant
Lec'hienn web	(fr)Lec'hienn an ti-kêr
Poblañsouriezh
Poblañs	8 047 ann. (2020)[1]
Stankter	74 ann./km²
Douaroniezh
Daveennoù lec'hiañ	47° 50′ 03″ Norzh 3° 09′ 24″ Kornôg / 47.8341666667, -3.15666666667
Uhelderioù	kreiz-kêr : 66 m bihanañ 7 m — brasañ 126 m
Gorread	109,08 km²
Langedig
kemmañ

Langedig a zo ur gumun eus Breizh e kanton Henbont e departamant ar Mor-Bihan.

Douaroniezh

• Langedig eo eil brasañ kumun Breizh, war-lerc'h Skaer ha dirak Pempont ha Gwenvenez-Penfaou.
• Eieniñ a ra Stêr an Intel e Langedig.

Anv

• Erwan Vallerie ː Lankintic, 1160; Landgendic, Landgedic, 1264; Languidic, 1282; Languindic, 1291, 1310; Languendic, 1313; Languidic, 1387; Languendic, 1399; Languidic, 1453, 1516

Gerdarzh

Ardamezioù

Istor

Dispac'h Gall

• Melestradurezh: krouet e voe kumun Langedig e 1790. Gant al lezenn eus an 23 a viz Eost 1790 e voe lakaet Langedig da benn ur c'hanton, hini Langedig; div gumun a oa ennañ: Prederion ha Langedig, e Bann Henbont e oa. Diskaret e voe Kanton Langedig gant lezenn an 8 pluviôse an IX (28 a viz Genver 1801), dezhi an titl loi portant réduction du nombre de justices de paix. Lakaet e voe kumun Langedig e Kanton Henbont bet miret ha brasaet e 1801 gant an hevelep lezenn. Lakaet e oa bet en Arondisamant an Oriant bet krouet e 1800^[3],[4].

XX^vet kantved

Brezel-bed kentañ

• Mervel a reas 348 gwaz eus ar gumun abalamour d'ar brezel, da lâret eo 8,05 % eus he foblañs e 1911^[5].

Eil brezel-bed

• Ur c'harr-nij (Wellington Mk.IV marilhet Z1383 ha kodet UV-D) eus aerlu ar Rouantelezh-Unanet (Royal Air Force) a gouezhas e Kerroc'h d'ar 22 a viz Even 1942: mervel a reas ar pemp milour aostralian a oa ennañ, douaret int e bered Kerantreizh en Oriant^[6],[7].
• Ur c'harr-nij (B-17-F marilhet 40-BO) eus Aerlu SUA (United States Army Air Forces) a gouezhas e Kergurun d'ar 16 a viz Imbril 1943: pemp milour a varvas, ar pemp nijour all a voe tapet d'an Alamaned^[8],[9].
• D'ar 7 a viz Eost 1944 e voe dieubet gant lu SUA^[10], mervel a reas pemp den nann-soudard, 15 all a voe gloazet, pa voe tennet taolioù-kanol gant an Alamaned^[11],[12].
• D'an 16 a viz Mae 1945 e voe kavet korf marv un den eus ar gumun, ezel eus ar Rezistañs, bet boureviet, lazhet ha mañsonet d'an 13 a viz Gouere 1944 gant al lu alaman e kreñvlec'h Pentevr e Sant-Pêr-Kiberen^[13].
• Mervel a reas 54 den ag ar gumun abalamour d'ar brezel^[14].

Brezelioù didrevadennañ

Brezel Indez-Sina

• Mervel a reas seizh milour.

Brezhoneg

• Ar Brezoneg er Skol, 1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol^[15].
• Klasoù divyezhek a zo eno abaoe 2001.
• E distro-skol 2022 e oa enskrivet 137 skoliad er c'hlasoù divyezhek (18,8 % eus skolidi ar gumun evit a sell ouzh ar c'hentañ derez)^[16].

Monumantoù ha traoù heverk

• 
  Meurvein Kersolan.
• 
  Peulvan Kerdanue.
• 
  Feunteun Sant Urloù e Langedig.
• 
  Iliz Langedig lec'h ma timezas Loeiz Herrieu gant Loeiza ar Meliner.

• Steudadoù meurvein Kêrsolan.
• Peulvan Kerdanue.
• Feunteun Sant Urloù.
• An iliz katolik.

• 
  Monumant ar re varv er vered.
• 
  Monumant an nijourion aostralian e Kerroc'h.
• 
  Monumant an nijourion SUAat e Kergurun.

• Monumant ar re varv er vered, "De Vugale Languedeg Maru aveit er Vro", luc’hskeudennoù^[17] ha kartenn-bost^[18].
• Monumantoù an nijourion aostralian ha SUAat.

Emdroadur ar boblañs abaoe 1793

Melestradurezh

Tud

• Benoît Purenne, c'hoarier echedoù.

Ardamezeg ar familhoù

	Loisel, Loaisel, Louaisel, Aotrounez Saint-Benoît, Espinefort, la Vigne	En argant e deir moualc'henn en sabel
	Barisy, Aotrounez Kerouriou	En argant, e deir joskenn diframmet en sabel
	de Baud Aotrounez la Vigne-le-Houlle hag Espinefort	En glazur e zek hanochenn en aour, 4, 3, 2, 1

Tud ganet eno

• Loeiza ar Meliner, skrivagnerez vrezhonek, d'an 9 a viz Meurzh 1887.
• Lucien Pouëdras, livour, e 1937.

Tud marvet eno

Gevelliñ

Bro	Kêr	Abaoe
Bro-Saoz	Great Cornard	1989
Roumania	Silivașu de Câmpie	1990
Alamagn	Rimpar	1997

Krennlavar

Re Langedig, pennoù du,
A ra krampouezh gant ludu
Evit armerzh o gwinizh-du !

Liammoù diavaez

• (br) Langedig war lec'hienn Geobreizh

Levrlennadur

• (fr)Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• (br)Erwan Vallerie : Diazezoù studi istorel an anvioù-parrez. Corpus. An Here. 1995

Notennoù ha daveoù