Pleuvihan a zo ur gumun eus Breizh e departamant Aodoù-an-Arvor, en arvor Bro-Dreger. Tost emañ eus ur "Bleuveur", evel a zo dleet (Pleuveur-Gaoter amañ).

Douaroniezh

E reter genoù ar Yeodi emañ Pleuvihan.
Kumunioù amezek : Kerborzh, Lanvaodez, Pleuveur-Gaoter

Lec'hienn dibar : Erv an Talberzh.

Anv

R. de Saint-Jouan : Pleubihan, Plubihan, 103 4; Parvam Plebem ; Pleubihan ; Pleubian, 1790.
B. Tanguy : Par. Plubihan, 1034-1040 ; Parva Plebs, 1040-1066 ; Plubihan, c. 1040, 1156, 1169 ; Plebihen, 968-1077 ; Plobihan, 1202 ; Plebs Parva, c. 1330 ; Parva Plebs, 1371 ; Plebihen ; Ploebihan, 1469.
E. Vallerie : Plubihan, 1031 Parvam Plebem, 1054 ; Plubihan, 1058 ; Plobihan, 1202 ; Plebe Parva, 1330 ; Parve Plebis, 1371 ; Plubihan, 1417 Plebe Parva, 1450 ; Plouebihan, 1516 ; Plouebihan, 1592 ; Plulihen, 163 ; Ple-Bian, Ple-Bien, 1636.

Brezhoneg

Ar Brezoneg er Skol

1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol^[3].

Istor

XIX^vet kantved

Kanton Lezardrev e 1890

XX^vet kantved

Brezel-bed kentañ

Mervel a reas 118 gwaz abalamour d'ar brezel hervez monumant ar re varv, da lavaret eo 3,32% ag ar boblañs hervez an niveradeg bet graet e 1911^[4].

Parrez nevez

1930: savet eo parrez an Arvor.

Eil brezel-bed

D'an 29 a viz Mae 1943 e kouezhas un nijerez B-17F (marilhet 41-24602 ha kodet PU-A) eus aerlu ar Stadoù-Unanet (United States Army Air Forces) e Kervingant e Pleuvihan; daou nijour a voe lazhet, an eizh milour all a voe serret d'an Alamaned^[5].
Kemeret e voe 19 500 Lur en ti-post, gant daou ezel eus ar Rezistañs moarvat, d’ar 1añ a viz Even 1944, hervez danevell sizhuniek Titouroù Hollek Sant-Brieg^[6].
Mervel a reas 47 den eus ar gumun abalamour d'ar brezel^[4].

Monumantoù ha traoù heverk

Lia Luzured
Meineg Poull ar Varkez (3 peulven), bet enrollet an 2 Eost 1982;
Peulven Poul-Roue
Peuven Maen Kernevez (e troad Erv an Talberzh)
Kador-brezeg (c. 1500); enrollet an 13 Gouere 1907.

Kastell ar Wern (XVI^vet-XVII^vet); en eus roet e anv da familh Launay / Gwern
Maner Penn Krec'h (XVIvet), ivez gant familh ar Wern.
Maner Kermoda (1648)
Chapel Sant-Anton (1716); adkempennet e 1876
Chapel Brestan (1769), enni ur vaen eus 1652
Maner Krec'h Kelen (XVII^vet)
Presbital kozh (XVII^vet)
Ti-feurm Keflandry-bras (1657-1737-1777)
Kroaz ar bourg (c. 1700)
Ti Ti-Glas (c. 1700)
Ti-feurm Roc'h-Morvan-Bras (1736)

Ti-feurm Poull-Derrien (1776)
Ti Kergomar (1787)
Ti-gward (c. 1800)
Puñs Prat ar Skoul (c 1800)
Iliz Sant-Jorj (c. 1810-1814)
Iliz katolik an Arvor, savet e 1932 gant James Bouillé.
Monumant ar re varv.
Aodoù an Arvor, gant e inizi, bet enrollet ar 25 C'hwevrer 1974
Erv an Talberzh,
Enez Gwenn, Enez Gwerc'hez, Tour tan "Héaux de Bréhat" (1836-1839)
Krec'h ar maout, gant e semafor

Emdroadur ar boblañs abaoe 1962

Niveraannezidi

Krennlavar

Pleuvihan / Lec'h zo ezhomm daou vras d'ober un' bihan.

Melestradurezh

Tud brudet

Tud bet ganet ha marvet eno

Yann-Vari Rivoallan (Pleuvian, 26 Du 1748 / Roazhon, 14 Kerzu 1812); melestrour Aodoù an Hanternoz, kannad ouzh Bodadenn lezenel , 1791, ouzh Kuzul ar Re-Gozh, 1798, baner ouzh lez-varn Roazhon 1800, kuzulier ouzh al Lez, 1811.
Pêr-Vari-Loeiz Koad-Kelen a Gerdu, marc'heg urzh Malta; bet ganet e Pleuloc'h ar 5 Mae 1758. En us skrivet un istor Malta (1805-1809), un istor Portugal (1807), hag ur veaj e Danmark ha Sveden. Aet da Anaon e Pleuvian an 9 Gwengolo 1816, ha beziet eno.
Erwan-Mari Bertou, skrivagner (Alc’houeder Treger, Erwanig ha Kaledvoulc'h e anvioù-pluenn) ha drouiz. Unan eus an diazezourien Union Régionaliste bretonne (1898), ganet e Lancanaff, Pleuvihan, d'ar 4 a viz Gwengolo 1861 ha marvet eno ivez, en dienez, d'ar 27 a viz Genver 1933. (d'ar 29 Genver(fr) hervez R. de St Jouan. cf. Le Petit Bleu, 19.12.1964; La Bretagne à Paris, 11. 02.1933)

Ardamezeg ar familhoù

	Cillart Aotrounez Keriliz ha Kersalioù En gul e gorn-hemolc'h en argant, lêrennet heñvel ouzh lammell Sturienn : Mon corps et mon sang
	Jegou Aotrounez Kersaliou ha Launay En sabel e leon en argant heuliet gant teir steredenn ivez en argant
	de Kerleau Aotrounez al lec'h se ha Meshuel En glazur e garv en aour (siell 1452)

Levrlennadur

(fr)Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
(fr)Jean Rigaud : Géographie historique des Côtes-du-Nord. Francisque Guyon. Saint-Brieuc. 1890
(fr)Régis de Saint-Jouan : Dictionnaire des communes du département des Côtes d'Armor. Éléments d'histoire et d'archéologie. Conseil Général des Côtes d'Armor. 1990
(fr)Bernard Tanguy : Dictionnaire des noms de communes, trèves et paroisses des Côtes d'Armor. Origine et signification. ArMen - Le Chasse-Marée. 1992
(br)Erwan Vallerie : Diazezoù studi istorel an anvioù-parrez. Corpus. An Here. 1995

Liammoù diavaez

Commons

Muioc'h a restroù diwar-benn

Pleuvihan

a vo kavet e Wikimedia Commons.

Notennoù ha daveoù

↑ (fr)Ouest-France
↑ Roadennoù ofisiel e lec'hienn an EBSSA
↑ (fr)Marsel Guieysse, La langue bretonne : ce qu'elle fut, ce qu'elle est, ce qui se fait pour elle et contre elle, pajenn 266, Kemper, Nouvelles Éditions Bretonnes, 1936
↑ ^4,0 ha^4,1 (fr)Monumant ar re varv - Memorial Genweb
↑ (fr)Pertes USAAF
↑ (fr)Éric Rondel, En attendant le Débarquement en Bretagne du 15 août 1943 au 6 juin 1944, pajenn 272, Dastumadenn Guerres et Conflits, Embannadurioù Astoure, Pleherel, 2011

Rummadoù