Ploveren
Bolz vein e mont tre ar gumun.
Anv gallek (ofisiel)	Ploeren
Bro istorel	Bro-Gwened
Melestradurezh
Departamant	Mor-Bihan
Arondisamant	Gwened
Kanton	Gwened-2
Kod kumun	56164
Kod post	56880
Maer Amzer gefridi	Gilbert Lorho 2014-2026
Etrekumuniezh	Mor Bihan - Gwened Tolpad-kêrioù
Bro velestradurel	Bro Gwened
Lec'hienn web	(fr)www.ploeren.fr
Poblañsouriezh
Poblañs	6 669 ann. (2020)[1]
Stankter	326 ann./km²
Douaroniezh
Daveennoù lec'hiañ	47° 39′ 20″ Norzh 2° 52′ 00″ Kornôg / 47.655556, -2.866667
Uhelderioù	kreiz-kêr : 50 m bihanañ 3 m — brasañ 58 m
Gorread	20,44 km²
Ploveren
kemmañ

Ploveren^[2], distaget [plɛˈrɛˑn] dre vras e brezhoneg^[3], a zo ur gumun eus Breizh e Kanton Gwened-2 e departamant ar Mor-Bihan.

Douaroniezh

Kumunioù amezek

	Plougonvelen	Pleskob	Pleskob, Gwened
	Plougonvelen	N	Gwened
		K    Ploveren    R
		S
	Baden	Aradon	Aradon

Anv

• Erwan Vallerie ː Ploeren, 1387; Ploerren, 1387; Ploeueren, 1402; Ploeren, 1453; Ploteren, 1516; Plomerten, 1554; Pleren, 1636; Ploerin, 1779

«Ploveren» eo ar stumm bet degemeret gant Ofis ar Brezhoneg^[4]. Stummoù skrivet all a gaver, evel «Pleren»^[5], pe c'hoazh «Ploeren»^[6]. Ploeren eo ar stumm ofisiel en implij e galleg, ha hemañ a vez distaget [pleʁɛ̃]^[7].

Ardamezioù

Rannet; ouzh 1 en argant e ziv dreustell en sabel, e gab en gul karget gant ur morzhol en aour; ouzh 2 en gul e c'hwec'h bezantenn en aour, 2, 2, 2, e gab en erminoù

Istor

Dispac'h Gall

• Melestradurezh: krouet e voe kumun Ploveren e 1790. Gant al lezenn eus an 23 a viz Eost 1790 e voe lakaet e kanton Aradon; e Bann Gwened e oa; dilamet e voe kanton Aradon ha lakaet e voe Ploveren e Kanton Gwened-Kornôg gant lezenn an 8 pluviôse an IX (28 a viz Genver 1801), dezhi an titl loi portant réduction du nombre de justices de paix; lakaet e voe Ploveren en Arondisamant Gwened bet krouet e 1800^[8],[9].

XIX^vet kantved

• E 1851 e voe staget kêriadennoù eus ar gumun ouzh kumun Gwened.

XX^vet kantved

Brezel-bed kentañ

• Mervel a reas 40 gwaz eus ar gumun abalamour d'ar brezel, eleze 3,64 % eus he foblañs e 1911^[10].

Eil brezel-bed

• Mervel a reas dek den ag ar gumun abalamour d'ar brezel^[11].
• D'an 11 a viz Eost 1941 e kouezhas ur c'harr-nij Messerschmitt Bf 109 E 04 marilhet WNr. 4879 eus an aerlu alaman (Luftwaffe) e Ploveren. Lazhet e voe e levier, douaret eo e Huisnes-sur-Mer (Bro-C'hall)^[12].
• D'an 29 a viz Mae 1943 e kouezhas ur c'harr-nij B-17 anvet "Concho Clipper" eus aerlu SUA (United States Army Air Forces) e Ploveren; lazhet e voe tri nijour eus e baread ha douaret e voent e Brittany American Cemetery e Montjoie-Saint-Martin e departamant Manche e Bro-C'hall; ar seizh nijour all a voe tapet gant an Alamaned^[13].

Brezelioù didrevadennañ

• Brezel Aljeria: mervel a reas ur milour^[14].

Monumantoù ha traoù heverk

• 
  An iliz katolik.
• 
  Dor an iliz.

• Iliz katolik Sant Varzhin.
• Chapel Intron-Varia e Bellean, XV^vet-XVI^vet-XVII^vet kantved(fr)Diellaoueg Mérimée.
• Kastell ar Maezo, XIX^vet kantved.
• Maner Kerverreg, XV^vet-XVI^vet kantved.
• Kastell Garo, chom a ra ur c'hav hag ur forn hepmuiken.
• Maner Porzh-Priendo.
• Monumant ar re varv e-tal an iliz katolik, luc’hskeudennoù^[15]. Dioueliet e voe d’an 28 a viz Mae 1922^[16].
• Plakenn ar re varv (1914-1918) en iliz katolik, luc’hskeudenn^[17].

Poblañs

Emdroadur ar boblañs abaoe 1962

Niver a annezidi

Melestradurezh

Brezhoneg

Ya d'ar brezhoneg

• D'ar 6 a viz Meurzh 2009 e oa bet votet live 1 ar garta Ya d'ar brezhoneg gant Kuzul-kêr ar gumun.
• D'an 19 a viz Genver 2015 e oa bet roet d'ar gumun al label Ya d'ar brezhoneg live 1.
• D'ar 4 a viz Du 2019 e oa bet votet live 2 ar garta Ya d'ar brezhoneg gant Kuzul-kêr ar gumun.

Deskadurezh

• Klasoù divyezhek kentañ (skol bublik) zo bet digoret e 2008.
• E distro-skol 2022 e oa 55 skoliad enskrivet er c'hlasoù divyezhek (10,4 % eus skolidi ar gumun evit a sell ouzh ar c'hentañ derez)^[18].

Tud

• Douaret eo Loeiz Kadoudal, breur da Jord Kadoudal, er vered.
• François Marie Falquerho, beleg katolik ha skrivagnour brezhonek, marvet eno e 1917, p'edo person ar barrez.

Ardamezeg ar familhoù

	Ars (d') Aotrounez Boteren En argant e deir fempdiliaouenn en gul.
	de Baud Aotrounez Propriendo En glazur e zek hanochenn en aour, 4, 3, 2, 1
	Drouillard Aotrounez Propriendo En glazur e dri aval-pin en aour.
	Gibon (de) Aotrounez Keralbaud ha Pargo En gul e dri manal ed en aour.

Gevelliñ

Liammoù diavaez

• (br) Ploveren war lec'hienn Geobreizh

Levrlennadur

• (fr)Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• (br)Erwan Vallerie : Diazezoù studi istorel an anvioù-parrez. Corpus. An Here. 1995

Notennoù ha daveoù