Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.

Porzhig

An aod e Porzhig.

Anv gallek (ofisiel)

Pordic

Bro istorel

Bro-Sant-Brieg (Goueloù)

Melestradurezh

22251

22590

Maer
Amzer gefridi

Maurice Battas^[1]
2014-2020

Etrekumuniezh

Sant-Brieg Arvor Tolpad-kêrioù

Bro velestradurel

Bro Sant-Brieg

Lec'hienn web

https://www.pordic.fr/

Poblañsouriezh

Poblañs

7 315 ann. (2020)^[2]

Stankter

218 ann./km²

Douaroniezh

Daveennoù
lec'hiañ

48° 34′ 16″ Norzh
2° 48′ 59″ Kornôg / 48.5711111111, -2.81638888889

Uhelderioù

bihanañ 0 m — brasañ 143 m

Gorread

33,63 km²

Porzhig

Porzhig a zo ur gumun eus Breizh e kanton Plerin e departamant Aodoù-an-Arvor, a-hed an aod etre Binig-Staol ha Plerin, hag e Bro-Oueloù.

Douaroniezh

Dezougen

Pont hent-houarn Parfond.

War al linenn hent-houarn Sant-Brieg Plouha, serret bremañ, emañ Porzhig.

Anv

Stummoù skrivet

Ogée (1780) ː (dindan Karnag) ː port d'Ick
Bernard Tanguy (1992) ː Pordic, c. 1160; 1190, 1202; Porzic, 1198; eccl. de Port Dic, 1206; eccl. de Pordic, 1211; par. de Pordic, 1229; Pordich, Pordic, 1255; Pordic, c. 1330.
Erwan Vallerie (1995) ː Pordic, 1167; Porhic, Pordic, 1190; Porzic, 1198; Pordic, 1202; Port Dic, 1206; Pordich, 1247; Pordic, 1259; Pordic, 1371; Pordic, 1419; Pordic, 1516; Pordic, 1630

Gerdarzh

Talvoudegezh ː ar porzh e-kichen genoù ar stêrig Ic.^[3]

Ardamezioù

ne vefe ket ?

Istor

Porzhig a zo ul lodenn distaget en XX^vet kantved diouzh [[Plerin]^[3].

XIX^vet kantved

Genver 1867: skoet e voe tud ar gumun gant ar c'holera^[4].

XX^vet kantved

Brezel-bed kentañ

Mervel a reas 139 gwaz abalamour d'ar brezel hervez monumant ar re varv, da lavaret eo 3,68% ag ar boblañs hervez an niveradeg bet graet e 1911^[5]; unan anezhe a voe lazhet e Maissin (Belgia), korporal e oa en 19vet Rujumant Troadegiezh^[6]; mervel a reas unan all e Boezinge e Flandrez Belgia d’an 22 a viz Ebrel 1915, soudard e oa er 74vet Rujumant Troadegiezh Tiriadel^[7].

Eil Brezel-bed

Mervel a reas 34 den ag ar gumun^[5].
D'ar 29 a viz Mae 1944 e kouezhas un nijerez P-38 Lightning (marilhet 42-104277 ha kodet 8L-?) eus aerlu ar Stadoù-Unanet (United States Army Air Forces) e Porzhig; he nijour a zeuas a-benn da achap^[8].
D'ar 14 a viz Eost 1944 e kouezhas un nijerez Mosquito FBVI, marilhet HP866 ha kodet DM-D, eus aerlu ar Rouantelezh-Unanet (Royal Air Force) e Porzhig^[9].

Brezel Indez-Sina

Mervel a reas pemp milour eus ar gumun er Viêtnam.

Brezel Aljeria

Mervel a reas daou soudard eus ar gumun.

Brezelioù didrevadennañ

XXI^vet kantved

Kresket eo bet d'ar 1añ a viz Genver 2016 goude bezañ bodet gant Tremelar d'ober ur gumun nevez^[10].

Monumantoù ha traoù heverk

Tour-tan.
Iliz katolik Sant Pêr.
Bunkerioù.
Enskrivadur alaman ouzh ur bunker.

An tour-tan.
Difennoù bet savet gant an Alamaned.
Iliz katolik Sant Pêr.
Monumant ar re varv e-tal an iliz katolik, luc’hskeudenn ha kartenn-bost ^[11].
Plakennoù ar re varv (1914-1918 ha 1939-1945) en iliz katolik Sant Pêr, luc’hskeudenn^[12].

Brezhoneg

D'an 19 a viz Gwengolo 2008 e oa bet votet ar garta Ya d'ar brezhoneg gant kuzul-kêr ar gumun.

Emdroadur ar boblañs abaoe 1962

Niver a annezidi

Melestradurezh

Gevelliñ

Heyl (Rouantelezh Unanet) abaoe 1997

Tud

Tud marvet eno

Lukian Raoul (1932-2009), emsaver ha saver studiadennoù.

Ardamezeg ar familhoù

	Abraham, aotrounez la Ville-Angevin	En argant, e deir eilenn en sabel, eilet gant dek steredenn en gul, 4, 3, 2, 1^[13]
	Allenou, aotrounez la Ville-Angevin	En argant e gab dentek en gul
	d'Andigné, baroned Porzhig	En argant e dri ererig en gul, pigosek hag iziliek en glazur
	Gallais, aotrounez la Fontaine-Saint-Père ha Chefdeville	En gul, e greskenn en aour, heuliet gant c'hwec'h rozenn ivez en aour, 3, 3
	de la Jaille, aotrounez Porzhig	En argant, e groaz gwerzhidet en gul alias / neuz all En aour e leon leonparzhet en gul, heuliet gant pemp c'hregilhenn en glazur