Praksiteles (Πραξιτέλης e gregach), a oa ganet war-dro 400 kent JK, marvet a-raok 326 kent JK, a oa brudetañ kizeller Hellaz er IVe kantved kt JK. Mab e oa d'ar c'hizeller Kefisodotos an Henañ. Eñ e voe ar c'hentañ kizeller o skeudenniñ merc'hed noazh e delwennoù bras.
Penn Aberdeen, pe e vije hini Hermes pe hini Herakles, a zo er British Museum, a zo stag ouzh Praksiteles, ken heñvel eo ouzh Hermes Olympia.
Afrodite Knidos eo brudetañ delwenn Praksiteles, kentañ hini eus ur vaouez en he ment hag en he noazh penn-da-benn.