Ur rimadell zo ur seurt kanaouenn-bobl eeunik a vez kanet d'ar vugale. A-bouez eo ar sonioù hag al lusk.

En deskadurezh eo a-bouez ar rimadelloù evel poelladennoù eñvor, distagañ, ha yezhadur zoken.

En alamaneg

Kinderreim a vez graet eus rimadell.

E brezhoneg

Rimadelloù brezhonek

-Bisig bihan, pelec'h oc'h bet?

-E Run ar Gow o klask ma boued

-Ha petra hoc'h eus bet?

-Un taol sklisenn war ma beg.

Hei do! marc'h al Lae

da gistina da Gorlae

da glask kig ha bara mat

da Fañchig vihan zo paotr mat

• Gwelout C'hwec'h Merc'h Gwerc'h.

En italianeg

Ur "filastrocca" a vez laret eus ur rimadell italianek. Gianni Rodari en deus savet un toullad re nevez.

• Piove, piove, zo ur rimadell dezhi seizh doare ha seizh-ugent.

E saozneg

• As I Was Going to St Ives
• Twinkle Twinkle Little Star, zo ul luskellerez, lakaet da rimadell a-wechoù, pa ne vez kanet nemet al linennoù kentañ.

E kembraeg

Hwiangerdd eo ar ger kembraek. Setu ar re vrudetañ:

• Gee, geffyl bach, rimadell gozh, a oa bet lakaet war un ton blues gant Dafydd Iwan
• Dau gi bach, bet lakaet e brezhoneg ha kanet gant Loeiz Roparz, a zo meur a don dezhi.
• Mi welais jac-y-do

Perzhioù mat ar rimadelloù e diorren ar vugale

• Deskiñ gerioù
• Deskiñ o distagañ
• Embreger an eñvor
• Kustumiñ da gompren
• Dihuniñ ar c'hoant da ganañ, ha da seniñ
• Reiñ plijadur o klevout barzhoniezh
• Reiñ al lusk da santout.

Un toullad rimadelloù brudet

• Ambarabà ciccì coccò
• Anghingò
• Eeny, meeny, miny, moe
• Cavallino arrì arrò
• La storia di Paperotto
• Trenta dì conta novembre
• Solomon Grundy
• Fasi Lunari
• Piove, piove
• Girotondo

Levrlennadur

• Rimadellou brezonek, gant Glaoda ar Prad, 1911.
• Eluned Bebb, Hwiangerddi'r Wlad (Llyfrau'r Dryw, 1941. Dastumad kembraek.
• Rimadelloù hag unangomzoù, Skol niv. 5, C'hwevrer, 1957

Liammoù diavaez

• Rimadelloù italianek : http://www.canzonieredelprogno.it/attività/nostra%20ricerca/filastrocche.htm
• Rimadelloù italianek kanet : https://www.youtube.com/watch?v=lQpV5PuuJS8&list=PLDD60BDAEBABEECB9