Al liv rous (distaget LFE: ['ru:s]) zo ul liv graet dre gemmeskañ livioù gris pe du gant livioù orañjez, ruz pe roz. N'emañ ket al liv rous e-touez al livioù a gaver pa zispenner ar gouloù gwenn gant ur prism.

Skrivañ a reer rouz evit an anv-kadarn (ar rouz) ha rous evit an anv-gwan.

Ul liv eo hag a gaver kalz en natur (blev al loened pe an dud, douar, koad...).

Arlivioù rous

• brun
• gell
• gelldu
• marroñs
• rousdu
• rousvelen
• rouswenn

Pelec'h vez kavet al liv rous ?

Kavet e vez al liv rous e meur a dra :

Tud

• e liv blev an dud n'eo na du na melen, ruz ne lavarer ket. Komz a reer eus ur rouz hag ur rouzardenn.
• en anvioù-tiegezh brezhonek ar Rouz, ar Rouzig hag ar Ruz.

Loened

Kalz bronneged zo rous o blev (ar gwiñvered, al lern, al c'honikled, ar c'hizhier... Komz a reer ivez eus :

• al loened rous, da lavaret eo moc'h-gouez hag a zo "krennarded"
• ar rouzig, anv meur a labous

Keginañ

• ar sukr rous
• ur rouz, ur meskad bleud hag amann

Muioc'h a restroù diwar-benn

Rous

a vo kavet e Wikimedia Commons.