11 Awst — Brwydr Thermopylae. Wedi ymladd caled yn erbyn llu bychan o Spartiaid, Thespiaid a Thebiaid dan Leonidas I, brenin Sparta, sy'n amddiffyn bwlch Thermopylae, mae'r Persiaid yn llwyr ddinistrio'r amddiffynwyr. Lleddir Leonidas a bron y cyfan o'i wŷr wedi iddynt wrthod ffoi.
Daw mab Leonidas, Pleistarchus, yn frenin Sparta yn ei le, ond gan ei fod yn dal yn blentyn, rheolir y deyrnas ar ei ran gan Pausanias.
Yr Atheniaid yn galw arweinwyr oedd wedi eu halltudio yn ôl i gynorthwyo yn yr ymgyrch yn erbyn y Persiaid dan arweiniad Themistocles , yn cynnwys Aristides a Xanthippus.
Awst — Brwydr Artemisium rhwng llynges Persia a llynges y Groegiaid ger arfordir gogleddol Euboea. Mae'r Persiaid yn dioddef colledion trwm, ond gorfodir y Groegiaid i encilio pan ddaw'r newyddion am Thermopylae.
21 Medi — Y Persiaid yn cipio Athen. Mae trigolion Athen yn ffoi i ynys Salamis
28 Medi — Brwydr Salamis. Gorchfygir y llynges Bersaidd yn llwyr gan lynges y cyngheiriaid Groegaidd dan Themistocles, gyda tua 200 o longau Persaidd yn cael eu suddo. * Wedi colli'r rhan fwyaf o'i lynges, mae Xerxes yn dychwelyd i Bersia, gan adael byddin dan Mardonius ar ôl yn Thessalia.