Reto Mario Rossetti
Persona informo
Naskiĝo	11-an de aprilo 1909 (1909-04-11) en Biasca
Morto	20-an de septembro 1994 (1994-09-20) (85-jaraĝa) en Gosport
Lingvoj	Esperanto
Ŝtataneco	Svislando • Unuiĝinta Reĝlando (Britio)
Familio
Frat(in)o	Cezaro Rossetti
Okupo
Okupo	tradukisto • esperantisto • poeto • verkisto • universitata instruisto
v • d • r

Reto Mario Rossetti
Persona informo
Naskiĝo	11-an de aprilo 1909 (1909-04-11) en Biasca
Morto	20-an de septembro 1994 (1994-09-20) (85-jaraĝa) en Gosport
Lingvoj	Esperanto vd
Ŝtataneco	Svislando • Unuiĝinta Reĝlando (Britio) vd
Familio
Gefratoj	Cezaro Rossetti vd
Profesio
Okupo	tradukisto • esperantisto • poeto • verkisto • universitata instruisto vd
Honorigoj Honorigoj Belartaj Konkursoj de UEA vd
vd	Fonto: Vikidatumoj
v • d • r

Reto Mario ROSSETTI, konata kiel Reto ROSETTI (naskiĝis la 11-an de aprilo 1909 en Biasca, kantono Tiĉino de Svislando, mortis la 20-an de septembro 1994 en la brita Gosport) estis svisa, poste brita Esperantisto kaj profesoro. Unu jaron antaŭ li mortis lia dua edzino, Olive Rossetti. Frato de Reto estis Cezaro Rossetti, aŭtoro de Kredu min, sinjorino!.

Verka vivo

Lia poemaro aperis en la grava ampleksa verko Kvaropo. Poemoj de Rossetti aperadis en la Esperanta gazetaro. Liaj pluaj verkoj: Mestizo de l' Mondo, poemaro, El la Maniko, novelaro kaj Pinta Krajono, poemaro. Lia plej grava traduko estas Otelo de Shakespeare. Rossetti multe tradukis el la angla poezio. Redaktoro kaj la precipa kunlaborinto super la Angla Antologio.

Tri el liaj verkoj troviĝas sur la Baza legolisto de William Auld: El la Maniko, 33 Rakontoj, Pinta Krajono.

Verkoj

Originalaĵoj

• Oazo (poemkolekto en Kvaropo (1952))
• Mestizo de l' Mondo
• El la Maniko (novelaro, 1955)
• Pinta Krajono (poemaro, 1959)
• Arto kaj Naturo (eseoj, eld. Hungara Esperanto-Asocio, Budapest, 1989)

Tradukoj

• Otelo de William Shakespeare
• 'Kantoj, poemoj kaj satiroj, de Robert Burns (kun William Auld, 1977)

Redaktitaj publikigaĵoj

Trovu « Reto Mario Rossetti » inter la Vizaĝoj de homoj rilataj al la ideo «Internacia Lingvo»

• 33 Rakontoj, La Esperanta novelaro kun Ferenc Szilágyi
• Angla Antologio kun William Auld
• Trezoro kun Henri Paul Vatré