Arabako markesgoa Alfontso XII.ak 1875eko irailaren 2an sortuako noblezia titulua da, Julián de Zulueta eta Amondoren alde Erresumako senataria eta Karlos III.aren Ordenako Gurutze Handiko zaldun, Casa Blancako bizkonde-aurrekoa.^[1]

Izena

Izenak Arabako probintziari egiten dio erreferentzia, I.go markesa Anuntzetan jaio zela gogoratuz.

Arabako markesak

	Titularra	Aldia
Alfontso xii.aren sorkuntza
I	Julián de Zulueta eta Amondo	1875 - 1878
II	Salvador de Zulueta eta Samá	1885 - 1913
III	Narciso de Zulueta eta Martos	1915 - 1973
IV	José Fernández de Lascoiti eta Zulueta	1974 - 1983
B	Fabiola Fernández de Lascoiti eta Franco	1986 - egun

Julián de Zulueta (Anuntzeta, 1814ko urtarrilaren 9a - Habana, 1878ko maiatzaren 4a), Arabako I.go markesa, Casablancako I.go bizkondea, Isabel II.aren bazkidea esklabo trafikatzaile eta azukre-landen jabetzan, Habanako boluntarioen koronela, erregidorea, alkatea eta Kubako Erresumako senataria. Francisca de los Dolores Samá eta de la Motarekin ezkondu zen lehen aldiz, ezkontza honetako semeak jaso zuen titulua:

Salvador de Zulueta eta Samá (Habana, 1851ko uztailaren 4a - 1913ko otsailaren 21a), Arabako II. markesa, Casablancako II. bizkondea.Maria de las Angustias de Martos eta de Aizcúnekin ezkondu zen, Spínolako I. baronesa. Haren semeak jaso zuen titulua:

Narciso de Zulueta eta Martos (Madril, 1888ko martxoaren 6a - 1973ko otsailaren 11), Arabako III. markesa eta Casablancako III. bizkondea. María de la Concepción Narváez eta Ulloarekin ezkondu zen, ondorengorik gabe. Haren ilobak jaso zuen titulua:

José Fernández de Lascoiti eta Zulueta (Madril, 1902ko uztailaren 24a - Burgos, 1983ko ekainaren 14a), Arabako IV. markesa, Casablancako IV. bizkondea, Spínolako III. baroia, Andayako III. baroia eta Lascoitiko II. konde pontifizioa.^[2] Ana Gonzalo eta Fanlorekin ezkondu zen, ondorengorik gabe. Bere anaiaren alabak jaso zuen titulua:

Fabiola Fernández de Lascoiti eta Franco (Madril, 1935eko maiatzaren 22a), Arabako V. markesa, Casablancako V. bizkondesa, Spínolako IV. baronesa eta Andayako IV. baronesa.^[3] Tomás de la Vega eta Gómez-Aceborekin ezkondu zen (1928-2001).

Kategoriak