Nerbio-sistema sinpatiko | |
---|---|
Xehetasunak | |
Honen parte | Nerbio-sistema autonomoa |
Identifikadoreak | |
Latinez | pars sympathica |
MeSH | A08.800.050.800 |
TA | A14.3.01.001 |
FMA | 9906 |
Terminologia anatomikoa |
Nerbio-sistema sinpatikoa nerbio-sistema autonomoaren zati bat da.
Bizkarrezurraren albo banatan luzatzen diren orno alboetako hodiek osatzen dute. Bizkarrezur nerbioekin sorta komunikatzaileen bidez lotzen dira, honela, bizkarrezur muineko nukleo begetatiboek zuntzak bidaltzen dituzte gongoil sinpatikoetara eta hauek gongoil ondoko zuntzak bidaltzen dituzte bizkarrezurreko nerbioetara. Akzioa adar aferente batekin eta beste bat eferentearekin egiten da arku islada baten bidez.
Begi-niniak dilatatzen ditu, bihotz taupaden maiztasuna eta indarra handitzen du, bronkioak zabaltzen ditu, urdaileko uzkurdurak gutxitzen ditu eta giltzurrungaineko guruinak estimulatzen ditu. Psikologiaren aldetik akziorako prestatzen gaitu. Nerbio-sistema sinpatikoaren funtzionamendua neutroa ez den emozio estimulu baten psiko nabaritze batekin lotua dago. Hiperhidrosia edo aurpegiko, besapeetako eta eskuetako gehiegizko izerditzea sistema sinpatikoaren gehiegizko estimuluarekin zuzenean lotua dago.
Sistema honen funtzionamendu desegokia edo nerbio-sistema parasinpatikoarekin harreman desegoki bat izateak disautonomia izen orokorrean batutako zantzu ezberdinak eragin ditzake.