Woodstock jaialdia (ingelesezWoodstock Festival edo soilik Woodstock, garaiko izen ofiziala Woodstock Music & Art Fair izan zen, euskaraz "Woodstock musika eta arte azoka") Estatu BatuetakoNew York estatuko White Lake udalerrian ospatutako musika jaialdi erraldoi eta mitikoa izan zen. Garai hartako Rock and Roll jaialdi entzutetsu eta garrantzitsuena izan zen. 1969koabuztuaren 15etik17rako egunetan ospatu zen, izan zuen arrakastagatik, 18ra arte luzatu bazen ere.
Jaialdia
WoodstockWoodstockWoodstockWoodstockWoodstock
Hasiera batean, Woodstock herrian egitekoa zen, New Yorkeko estatuko Ulster konterrian, baina bertakoek ez zuten nahi eta Sam Yasgur izan zen bere aita Max Yasgur familiaren lurrak uztera eraman zuena.
Woodstock sekula izandako musika eta arte jaialdi hoberenetakoa dugu. Antolatzaileek 60.000 pertsona inguru espero bazuten ere, 400.000 eta 500.000 artean dago han bildu zen jendetza eta 250.000 bat ere ezin iritsirik geratu zirela uste da. 3 egunetako sarrerak 18 dolar balio izan zituen.
AEBetako belaunaldi hura Vietnameko gerraz nazkatuta zegoen eta bakea eta amodioa eskatzen zuten, indarrean zegoen sistema baztertu nahian. Woodstock hau denaren ikur bihurtu zen eta han bildu zen jende gehiena besteek hippie esaten zieten haiek ziren. AEBetan 60ko hamarkada bukaeran eman zen mugimendu hau eta txima luze eta amuletoak nagusitu ziren, neska gona luzeak, kolore biziak, ortzadarra banderan eta bakearen ikonoak.
Hippiak Vietnameko gerraren aurka zeuden eta horregatik Jimi Hendrixek gitarra elektrikoaz bakarrik jo zuen ereserkia, gobernuaren gerra joera haien protestan. Bakea, amodio librea, komunak, ekologia, musika eta artea ziren haien idealak.
Jaialdiko gauetan sexua eta drogak erruz erabili ziren, LSDa eta marihuana, batez ere. Eta, dena rock musikan bilduta. Jaialdian zehar, 2 jaiotza izan zirela uste da eta 3 heriotza, behintzat, ere bai: bata heroina sobredosiaz, bestea apendizeaz eta azkena, berriz, traktore istripuz.
Antolatzaileentzat galerak besterik ez ziren aurreikusi, baina dokumentalaren arrakastak bira eman zien kontuei eta errentagarria izan zen. Michael Wadleighek zuzendu zuen Woodstock (Woodstock. 3 Days of Peace & Music) dokumentala eta Martin Scorsese eta beste batzuk editatu zuten. 1970ean estreinatu zuten eta Oscar Saria irabazi zuen.
2009an, Ang Leek Taking Woodstock filma zuzendu zuen, Sam Yasgurren irudiaz hasi eta kontzertuen antolaketa agertu nahian.
Etorri ez ziren artistak
Asko izan ziren joatekotan izan zirenak eta, arrazoi bat edo beste, ez zirenak han izan. Hauek dira horietako adibide batzuk:
Bob Dylan izan zen gehien espero zutena, baina Wight uharteko jaialdira joan zen abuztuaren 31n. Dylan Woodstocken bizi zen, baina hippiez nazkatuta zegoen bere moto istripuaren ondoren hartutako erretiroan molestatzen ziotelako. Woodstock 94an bai izan zen eta horrelaxe aurkeztu zuten:
«
We waited 25 years to hear this. Ladies and gentlemen, Mr. Bob Dylan!
»
The Beatlesek ere uko egin zioten Woodstock jaialdiari. Zenbaiten ustez, John Lennonekin jarri ziren harremanetan eta honek Yoko Ono's Plastic Band taldeak ere jo behar zuela eskatu zuen. Ezetzaren aurrean, The Beatlesek ere ez zuen jo. Bestalde, taldeak barne arazoak zituen eta azken 3 urteetan zuzenekorik eman gabe zeuden.
The Doors ere joatekoan zela uste zen. New Yorken zale asko zituzten, baina Woodstock inguruan zegoen etxalde batean izango zela jakin zutenean, bigarren mailako jaialdia izango zela suposatu zuten eta ezetza eman zuten. Gainera, Jim Morrison epaiketa artean zebilen, 1969komartxoaren 1ekoMiamiko kontzertu entzutetsuaren ondoren.
Led Zeppelin ere gonbidatu zuten eta joatekotan egon ziren, baina udako birarekin jarraitu zuten eta ez ziren bertaratu.
The Byrds taldeak ere, Woodstock beste jaialdiak bezalakoa izango zela-eta, ezezkoa eman zuen.
«
Jaialdietan aspertuta geunden, atsedena behar genuen... eta denetan hoberena galdu genuen!
»
Izan ziren artistak
Abuztuaren 15a, ostirala
Hasiera ofiziala 17:07an izan zen, Richie Havensekin.
Richie Havens - 17:07 - 19:00
Neil Young ez zen ia set akustiko osoan agertu -Mr. Soul eta Wondering' bai-eta gero batu zitzaien Crosby, Stills & Nash taldekoei. Gainera, ez zuen filmatua nahi izan, gero argitu zuenez, distrakzioa suposatzen baitzuen, bai beretzat eta baita entzulegoarentzat ere. YoungenSea of Madness abestia hilabete geroago izandako Fillmore Easteko kontzertuan grabatu zuten eta albumean txertatu zuten hura ere.
Paul Butterfield Blues Band - 5:00 - 6:00
Everything's Gonna Be Alright
Driftin'
Born Under a Bad Sign
Morning Sunrise
Love March
Sha-Na-Na - 6:30 - 7:30
Na Na Theme
Yakety Yak
Teen Angel
Jailhouse Rock
Wipe Out
A Teenager in Love
Book of Love
Duke of Earl
At the Hop
Na Na Theme
Jimi Hendrix - 8:30 - 10:00
Jimi Hendrix Experience bezala aurkeztu zuten, baina Hendrixek zuzenketa egin zien eta Gypsy Sun and Rainbows zela argitu zuen.
Message to Love
Hear My Train A Comin'
Spanish Castle Magic
Red House (gitarraren soka bat eten zitzaion Hendrixi, baina geratzen zitzaizkion 5ekin jarraitu zuen abestia jotzen)
Jaialdia ospatu zen lekuan kokatuta dagoen oroitarria.
Woodstock jaialdiko jendetzaren irudia.
AEB
.jpg)
