Tekst üüb Öömrang

Christian Jensen (* 28. Janewoore 1857 uun Galmsbel; † 29. Febrewoore 1936 uun Schleswig) wiar skuulmääster an regiunaalhistooriker.

Leewent

Uun Tondern hää Jensen üüb skuulmääster liard an ging 1878 tu Archsem üüb Sal. Uun Keitem freid'er det kopteinsdoochter Laura Lorenzen, an jo hed mäenööder trii dringer: Christian Cornelius (1883-1940), Dietrich Andreas (1889–1974) an Karl (1890–?).

Üüb Sal frinjet hi mä di skriiwer C. P. Hansen, di ham mud maaget, ham mä't fresk histoore tu befaadin. Efter C.P. Hansen san duas hää Jensen ham föl mä det materiool befaadet, wat Hansen saamelt hää. Diar san flook buken bi ütjkimen.

Bibliografii

• Die nordfriesischen Inseln Sylt, Föhr, Amrum und die Halligen vormals und jetzt. Mit besonderer Berücksichtigung der Sitten und Gebräuche der Bewohner. Verlagsanstalt u. Druckerei Actien-Gesellschaft, Hamborag 1891
• Vom Dünenstrand der Nordsee und vom Wattenmeer. B. Schramm, Kiel 1981 (Efterdrük faan det ütjgoow faan 1900), ISBN 978-3-921361-21-4

Luke uk diar

• Literatüür faan of auer Christian Jensen uun a kataloog faan't Sjiisk Natsionaalbibleteek