Tekst üüb Öömrang

Esperanto
Ütjfünjen faan	Ludwik Lejzer Zamenhof
Ütjkimen (juar)	1887
Spreegern	Hög düüsen üs mamenspriak, aal hög muar tuliarden (amanbi tau miljoonen).
Wedenskapelk iindialang	Konstspriak Ploonspriak Internatsionaal ploonspriak Esperanto
Apartes	Substantiiwen, adjektiiwen an verben könst dü bi't wurdaanj kään.
Spriak-Ufkörtang
ISO 639-1:	eo
ISO 639-2:	epo
ISO 639-3:	epo

Sümboolen
Esperantoflag	Jubiläumssümbool

Tekstpreew
La akcento estas sur la antaŭlasta silabo. La kernon de la silabo formas vokalo. Vokaloj ludas grandan rolon en la ritmo de la parolo. Substantivoj finiĝas per -o, adjektivoj per -a. La signo de la pluralo estas -j. La pluralo de „lasta vorto“ estas „lastaj vortoj“.

Esperanto as en ploonspriak an uk en laben spriak. Hör grünjlaagen san 1887 faan Ludwik Lejzer Zamenhof ütjfünjen an apskrewen wurden, an jo tääl daalang noch. Hi wul en spriak maage, diar lacht tu liaren as an aueraal brükt wurd koon.

Det spriak

Wurden

A wurden san tuupsaat faan enkelt elementen, diar bääftenööder saat wurd:

At substantiif feit en -o: domo ,hüs‘
At muartaal faan en substantiif feit en -j: domoj ,hüsang‘
Di objektfal feit en -n: domojn (t.b. tu a) ‚hüsang‘
At adjektiif feit en -a: doma: ‚hüselk‘
Di wurdstam dom woort ei feranert (oober t.b. uun't huuchschiisk: Haus, Häus/er)

Konjugatsion

A verbfurmen san gans ianfach:

mi estas ,ik san‘
vi estas ,dü beest‘
li estas ,hi as‘
ŝi estas ,hat as‘

A miast Esperanto-wurden kem faan't latiinsk of ööder romaansk spriaken uf, man uk faan germaans spriaken, fööraal sjiisk an ingelsk. Uk faan't poolsk, rüsk of greks spriak san diar wurden bi. So komt det, dat flook minsken uun Euroopa of Ameerikoo det spriak gau liar kön.

Det skriiwwiis as foneetisk; det ment, arke buksteew hää en fääst ütjspriak.