Tekst üüb Öömrang |
A Kariibik as en regiuun uun a waastelk Atlantik tesken Nuurd- an Süüd-Ameerikoo. Di nööm hää't efter det fulk faan a Kariiben, diar heer lewet haa. A geografii täält a Kariibik mä tu Nuurd-Ameerikoo. Tu det regiuun hiar a Kariibisk Eilunen an at Kariibisk Sia. Kulturel hiart uk at nuurdküst faan Süüd-Ameerikoo diar mä tu.
Uun a Kariibik lewe amanbi 36 miljoon minsken. Faan a Kariiben, diar heer föör't besiidlang faan Euroopa lewet haa, san ei fölen auerblewen. Daalang lewe heer fööraal minsken, diar ans faan Euroopa, Afrikoo, Indien an Sjiina kimen san. Sodenang woort uun a Kariibik fööraal spoonsk an ingelsk, oober uk fransöösk an holuns snaaket. Mä det besiidlang san uk nei spriaken, a kreoolspriaken apkimen.
Koordinaaten: 14° 31′ 48″ N, 75° 49′ 12″ W
Didiar artiikel as di 1. Febrewoore 2012 uun det list faan gud artiikler, diar det leesen luane apnimen wurden. Uun uugenblak jaft at diar 73 faan. |