Tekst üüb Fering

Det Sotho Spriik (uk Süüd-Sotho; üüb Sotho: Sesotho [sɛ̀.sʉ́.tʰʉ̀]) as ian faan dön Bantuspriiken. Det wurt uun Süüdaafrika (uun dön Freistoot an Gauteng Prowinsen) an uk uun Lesotho snaaket. At spriik hee 3.848.962 spreegern uun Süüdaafrika (2011)^[1].

Spriikwiisen

At spriik hee tau spriikwiisen: Phuthi an Taung.

Gramatiik

Det Sotho Spriik, üüs öler bantuspriiken, hee klasen faan prefiksen. En mensk, diar tu det Sotho fulk hiart of faan Lesotho as, as en Mosotho (en wurd, wat tu de iarst klas hiart). At muartaal faan Mosotho as Basotho (en wurd, tu de naist klas hiart). A nööm faan't lun, Lesotho, an a nööm faan't spriik, Sesotho hiar tu öler klasen.

• klas 1 an 2: motho an muartaal batho, mensk.
• klas 1a an 2a: mme an muartaal bomme, mam.
• klas 1 an 4: motswalle an muartaal metswalle, frinj.
• klas 1 an 6: morena an muartaal marena, hoodmaan.
• klas 3 an 4: mmala an muartaal mebala, klöör.
• klas 6 an 7: letsha an muartaal matsha, see.
• klas 9 an 10: bukantswe an muartaal dibukantswe, wurdenbuk.
• klas 14: borwa, süüd.

Wurden

• Taalen üüb Sotho: (1) nngwe, (2) pedi, (3) tharo, (4) nne, (5) hlano, (6) tshelela, (7) supa, (8) robedi, (9) robong, (10) leshome.

Kwelen

1. ↑ Statistics South Africa (2011), Census 2011: Census in Brief, s. 26

Luke uk diar

• Sotho-Tswana Spriiken: Nuurd-Sotho, Sotho, Tswana.
• Amtelk spriiken faan Süüdaafrika: Afrikaans, Ingels, Nuurd-Sotho, Sotho, Süüd-Ndebele, Swaasi, Tsonga, Tswana, Venda, Xhosa, Zulu.