Tekst üüb Öömrang

Füsikaalisk ianhaid
Nööm	Uns
Ianhaidentiaken	${\displaystyle \mathrm {oz.} }$
Füsikaalisk grate	Mase
Formeltiaken	${\displaystyle m}$
Dimension	${\displaystyle {\mathsf {M))}$
Süsteem	Angloamerikoonsk ianhaiden
Uun SI-ianhaiden	1 oz. = 0,028.349.5 kg
Näämd efter	latiinsk Uncia = 1/12
Hinget tuup mä	Pünj
Luke uk diar: Röömsk taal

En uns (faan latiinsk Uncia = di twaalewst dial, wir iar di twaalewst dial faan en apteeker-pünj, leeder di sääkstaanjst dial faan en pünj, sümbool ℥) as en miat för't mase. Det ianhaidentiaken as oz. (faan itajeensk onza), di ingelsk nööm as ounce.

Bedüüdangen

En uns ment ei leewen detsalew, det koon lacht trochenööder smeden wurd.

• At gewöönelk uns (oz.) woort noch föl uun ingelsk spreegen lunen brükt. Diar täält 1 oz. ≈ 28,35 gram(g).

  Amreegnang uun Ameerikoo: 1 pünj (pound) = 16 oz. ≈ 453,6 gram.

• At apteeker-uns (℥ of oz.ap.) as iar för medesiin of chemikaalien brükt wurden. Diar tääld 1 oz.ap. = 31,1 g.

• At fiin uns (oz.tr., faan ingelsk: troy ounce) woort för eedelmatalen brükt. Diar täält 1 oz.tr. = 31,1034768 g.

• At luupen uns (oz.fl., faan ingelsk: fluid ounce) woort för luupen materiool brükt.

  Uun't Ferianagt Könangrik wiar 1 oz.fl. di hunertsöstagst dial faan en imperiaal galoon (=28,4131 cm³).

  Uun Ameerikoo as 1 oz.fl. di hunertaachtantwuntagst dial faan en U.S. galoon (=29,5735 cm³).

• Uun Holun an Indoneesien as ian ons en nööm för 100 g.

Luke uk diar

• Kilogram