AACTA Award
algemiene ynformaasje
hist. namme	AFI Award
nasjonaliteit	Australysk
útrikt foar	treflikens yn film en tillefyzje
útrikt troch	AACTA
frekwinsje	1× jiers
datum	jannewaris
plak	Sydney / Los Angeles
ynsteld	1957
1e útrikking	1958
offisjele webside
www.aacta.org

De AACTA Awards (de ferkoarte foarm fan Australian Academy of Cinema and Television Arts Awards) binne in groep Australyske prizen dy't elts jier yn jannewaris útrikt wurde foar treflikens op it mêd fan film en tillefyzje. De prizen wurde útrikt troch de Australian Academy of Cinema and Television Arts (AACTA), en wurde ornaris beskôge as de Australyske wjergaders fan 'e Amerikaanske Oscars of de Britske BAFTA's.

Skiednis

De AACTA Awards waarden yn 1958 ynsteld as de Australian Film Institute Awards of koartwei AFI Awards. De earste jierren wiene der 30 nominaasjes, ferdield oer seis kategoryen dy't allegear mei film te krijen hiene. Yn 1986 waarden foar it earst ek prizen foar tillefyzje útrikt. Yn 2011 waarden de prizen omneamd ta AACTA Awards. Yn 2012 waarden de AACTA International Awards foar ynternasjonale films foar it earst holden, dy't elts jier by in aparte seremoanje yn Los Angeles útrikt wurde.

Kategoryen

AACTA Awards

Spylfilmprizen

• bêste film
• bêste regisseur
• bêste haadrol fan in akteur
• bêste haadrol fan in aktrise
• bêste byrol fan in akteur
• bêste byrol fan in aktrise
• bêste adaptearre senario
• bêste orizjinele senario
• bêste orizjinele filmmuzyk
• bêste lûd
• bêste produksje-ûntwerp
• bêste kostúmûntwerp
• bêste filmmontaazje
• bêste kamerarezjy
• foarkarspriis fan leden fan 'e AACTA (Members' Choice Award)

Tillefyzjeprizen

• bêste komeedzjesearje
• bêste dramasearje
• bêste bernesearje
• bêste tekenfilmsearje foar bern
• bêste tillefyzjefilm of minysearje
• bêste tillefyzjesearje foar licht fermaak

Oare prizen

• bêste lange dokumintêre
• bêste koarte dokumintêre
• bêste dokumintêresearje
• bêste koarte tekenfilm
• bêste koarte film
• bêste regisseur – dokumintêre
• bêste kamerarezjy – dokumintêre
• bêste filmmontaazje – dokumintêre
• bêste lûd – dokumintêre
• bêste senario foar in koarte film
• bêste jonge akteur
• bêste special effects

Spesjale prizen

• treflike prestaasje op it mêd fan tillefyzjekeunst
• treflike prestaasje op it mêd fan koarte-filmkeunst
• Byron Kennedy Award
• Longford Lyell Award
• Screen Content Innovation Award

AACTA International Awards

• bêste film – ynternasjonaal
• bêste regisseur – ynternasjonaal
• bêste akteur – ynternasjonaal
• bêste aktrise – ynternasjonaal
• bêste byrol fan in akteur – ynternasjonaal
• bêste byrol fan in aktrise – ynternasjonaal
• bêste senario – ynternasjonaal

Ofskafte prizen

• bêste eksperimintele film
• bêste bûtenlânske film
• ynternasjonale priis foar treflikens op it mêd fan filmkeunst
• sjuerypriis
• bêste tillefyzjedokumintêre
• bêste sponsore dokumintêre
• bêste ynternasjonale akteur
• bêste ynternasjonale aktrise
• bêste senario (orizjineel of adaptearre)
• Global Achievement Award

Keppelings om utens

• (in) Offisjele webside fan 'e AACTA Awards