Os 50 maiores contribuidores da Euroliga foron elixidos o día 3 de febreiro de 2008 en Madrid (España), con motivo da celebración do 50 aniversario da celebración da primeira Copa de Europa de Baloncesto. A lista foi confeccionada por un comité de expertos presidido polo Secretario Xeral da FIBA, Borislav Stanković e nela incluíronse aos xogadores, adestradores e árbitros que se consideraba que máis contribuíran a engrandecer á Euroliga (ou os seus equivalentes anteriores de máxima competición continental) en toda a historia da competición.[1]
Os seleccionados, 35 xogadores, 10 adestradores e 5 árbitros, foron homenaxeados no transcurso da Final Four da Euroliga, entre os días 2 e 4 de maio de 2008.[2]