Aisha Abd al-Rahman | |
---|---|
Nacemento | 18 de novembro de 1913 |
Lugar de nacemento | Damieta |
Falecemento | 1 de decembro de 1998 |
Lugar de falecemento | O Cairo |
Causa | infarto agudo de miocardio |
Nacionalidade | Exipto |
Alma máter | Universidade do Cairo |
Ocupación | escritora, poeta, mufassir, ensaísta, xornalista e académica |
Cónxuxe | Amīn Khūlī |
Premios | King Faisal International Prize in Arabic Language and Literature e sen etiquetar |
[ editar datos en Wikidata ] | |
Aisha Abd al-Rahman (en árabe: عائشة عبد الرحمن), nada en Damietta o 18 de novembro de 1913 e finada no Cairo o 1 de decembro de 1998, foi unha escritora e profesora exipcia, coñecida co pseudónimo de Bint al-Shati ("Filla da Ribeira").
Naceu en Damietta[1], onde o seu pai daba clase no Instituto Relixioso de Domyat. Con dez anos a súa nai levouna á escola mentres o pai viaxaba. Pese á oposición paterna, a nai levouna a El Mansurah, e posteriormente Aisha estudou Lingua e literatura árabe na Universidade do Cairo, graduándose en 1939 e conseguindo un mestrado en 1941.
En 1942 comezou a traballar de inspectora de ensino de literatura árabe para o Ministerio de Educación de Exipto. En 1950 doutorouse e comezou a traballar como profesora de literatura árabe na Facultade Feminina da Universidade de Ain Shams.[2]
Escribiu ficción e biografías das primeiras mulleres musulmás, como Aminah bint Wahb (a nai) e as mulleres e irmás do profeta Mahoma. Tamén fixo crítica literaria.[3] Foi a segunda muller moderna en facer unha exexese do Corán. Non se considera a si mesma feminista, mais as súas obras reflicten a idea de que as mulleres teñen máis capacidade de analizar as obras escritas por mulleres ca os homes, porque estes son "ignorantes do instinto feminino".[4]
Casou con Amin el-Khouli, profesor seu na Universidade do Cairo. Morreu logo dun ataque ao corazón.[5] Doou a súa biblioteca persoal para fins académicos, e en 1985 unha escultura coa súa figura foi erixida no Cairo.
Autora de "máis de corenta libros e cen artigos",[6] as súas publicacións destacadazs inclúen: