A 72ª edición do Festival Internacional de Cinema de Cannes celebrouse dende o 14 até o 25 de maio de 2019.[1] O director mexicano Alejandro González Iñárritu exerceu como presidente do xurado.[2][3] A Palma de Ouro recaeu sobre o filme surcoreano Gisaengchung, dirixido por Bong Joon-ho. Bong converteuse no primeiro director coreano en acadar o premio.[4]
A comedia de zombis do director estadounidense Jim Jarmusch, The Dead Don't Die, foi o filme que inaugurou o festival.[5] O festival honrou a directora francesa Agnès Varda, quen morreu en marzo de 2019, a cal aparece no póster oficial do festival. A fotografía empregada foi tirada durante a rodaxe do seu primeiro filme, La Pointe Courte (1955), que posteriormente se estrearía no festival.[6]
O filme galego O que arde, dirixido por Óliver Laxe, estreouse na sección oficial do festival Un Certain Regard o 21 de maio de 2019,[7] onde gañou o premio do Xurado,[8] sendo a primeira vez que un filme en lingua galega é proxectado na sección oficial.[9]
Galardóns |
|
---|---|
Galardóns outorgados por entidades independentes |
|
Edicións |
|