Georges Pompidou
Nome completo	Georges Jean Raymond Pompidou
Nacemento	5 de xullo de 1911
Lugar de nacemento	Montboudif
Falecemento	2 de abril de 1974
Lugar de falecemento	4.º arrondissement de Paris
Causa	leucemia e Linfoma
Soterrado	Orvilliers
Nacionalidade	Francia
Relixión	Igrexa católica
Alma máter	Lycée Louis-le-Grand, École Normale Supérieure, Instituto de Estudos Políticos de París e Lycée Pierre-de-Fermat
Ocupación	político e banqueiro
Pai	Léon Pompidou
Cónxuxe	Claude Pompidou
Fillos	Alain Pompidou
Premios	Gran cruz da Lexión de Honor, Grand Cross of the National Order of Merit, Grand Master of the Legion of Honour, Concours général, Cabaleiro da Gran Cruz con colar da Orde do Mérito da República Italiana, Oficial da Lexión de Honra, Cabaleiro da Lexión de Honra, Ordem do Mérito da República Italiana e Grand Cross of the Order of Polonia Restituta
Na rede
[ editar datos en Wikidata ]
v c e

Georges Jean Raymond Pompidou, nado en Montboudif o 5 de xullo de 1911 e finado en París o 2 de abril de 1974, foi un polí­tico francés, 2º Presidente da Quinta República e 19º Presidente da República francesa do 20 de xuño de 1969 ao 2 de abril de 1974.

Carreira política

Tralo retorno do xeneral Charles de Gaulle ó poder en 1958, Pompidou foi chamado a dirixir o gabinete do Presidente. O 20 de febreiro de 1959 o Presidente designouno membro do Consello Constitucional, cargo que ocupou ata 1962.

Primeiro ministro

Desde o 16 de abril de 1962 Pompidou ocupa o posto de Primeiro Ministro, soportando diversos cambios de goberno ata o 10 de xullo de 1968. Probablemente seguiría no cargo de non ser polos eventos de maio do 68: para reforzar a acción do goberno, propuxo ao Presidente disolver a Asemblea Nacional. Tal decisión, que moitos xulgaron suicida, resultou ser unha hábil manobra polí­tica que conseguiu decapitar á esquerda (Pierre Mendès France, un dos lí­deres de esquerda, por exemplo, non foi reelixido nesta ocasión); pero de Gaulle, irritado por ser cuestionado polo seu Primeiro Ministro, obrígao a renunciar, reemplazándoo por Maurice Couve de Murville.

Presidente da República

Tras a renuncia do xeneral de Gaulle, Georges Pompidou foi elixido Presidente da República francesa, cun 58,22 % dos votos. Asumiu o cargo o 15 de xuño de 1969. Pompidou aposta por un desenvolvemento industrial de Francia, e inicia unha serie de traballos de modernización, en diversas áreas, como o TGV, a modernización das telecomunicacións ou a construción de autoestradas. París conserva restos deste perí­odo da historia: a noción dun estilo "pompidoliano" identifica a tentación de construír torres elevadas en pleno centro dunha cidade que ata entón se caracterizara por unha arquitectura uniforme (estilo "hausmanniano"); a Tour Montparnasse é probablemente o mellor (ou peor) sí­mbolo desta época. Preocupado pola difusión da arte, inicia os traballos para a construción dun importante centro cultural que hoxe leva o seu nome.

No plano internacional optou por reforzar Europa, por profundala e fortalecela fronte ao pacto atlántico. O Reino Unido (xunto a Irlanda e Dinamarca) puido así­ integrarse á Comunidade Económica Europea. Sen interromper as relacións diplomáticas coa Unión Soviética nin Europa oriental, aspiraba ao fortalecemento polí­tico das institucións europeas.

Afectado por un cancro, morreu o 2 de abril de 1974 no seu estudo da illa Saint-Louis, sen terminar o seu mandato.

Predecesor: Charles de Gaulle	Presidente da República Francesa  1969 - 1974	Sucesor: Valéry Giscard d'Estaing
Predecesor: Charles de Gaulle	Copríncipe de Andorra (Con Ramón Malla Call (1969 - 1971)) (Con Joan Martí Alanis (1971 - 1974))  1969 - 1974	Sucesor: Valéry Giscard d'Estaing