Joseph James "Joe" Dante, Jr., nado en Morristown, Nova Jersey, o 28 de novembro de 1946, é un director e produtor estadounidense de películas con contido humorístico e de ciencia ficción. Entre os seus filmes destacan Piranha (1978) e Ouveos (The Howling, 1981), ambos escritos por John Sayles; Gremlins (1984), o seu primeiro grande éxito, e a secuela Gremlins 2: The New Batch (1990); Innerspace (1987); Amazon Women on the Moon (1987); e Looney Tunes: Back in Action (2003). En 2021 foi homenaxeado polo festival Curtas de Vilagarcía de Arousa e participou nun acto con alumnos do Garaxe Hermético durante a pandemia de Covid-19.[1][2][3]