Julia Roberts
Nome completo	Julia Fiona Roberts
Nacemento	28 de outubro de 1967
Lugar	Smyrna
Nacionalidade	Estados Unidos de América
Relixión	Hinduísmo, budismo, Cristianismo ortodoxo e catolicismo
Educada en	Campbell High School, Universidade do Estado da Geórgia, Lee Strasberg Theatre and Film Institute e Saint Monica Catholic High School
Pai	Walter Grady Roberts
Nai	Betty Lou Bredemus
Cónxuxe(s)	Lyle Lovett e Daniel Moder
Fillos	Hazel Patricia Moder, Phinnaeus Walter Moder e Henry Daniel Moder
Profesión	actriz de televisión, actriz de cinema, produtora, modelo, actriz de teatro, actriz de dobraxe e actriz
Na rede
[ editar datos en Wikidata ]
v c e

Julie Roberts, nada como Julie Fiona Roberts en Smyrna (Xeorxia) o 28 de outubro de 1967, é unha actriz estadounidense gañadora dos premios Oscar e Globo de Ouro.

Traxectoria

Os seus pais, antes de que ela nacese, mantiveran un taller de interpretación. Divorciáronse en 1971. O pai, Walter, era vendedor e mantivo sempre con Julia unha relación moi profunda. Morreu de cancro en 1976, cando ela apenas contaba nove anos, o que a afectou profundamente.

Julia ten dous irmáns, o popular Eric Roberts (1956) e Lisa (1965), que tamén son actores. Ten tamén unha medio irmá: Nancy. Julia asistiu á escola primaria de Fitzhugh, continuou os seus estudos en Griffiny finalizounos na High School de Campell, todas elas na propia Smyrna. Sempre quixo ser veterinaria, pero terminou estudando xornalismo, trasladouse con Lisa a Nova York e iniciou a súa carreira de actriz en 1987 cun pequeno papel en Firehouse. Custoulle conseguir outro traballo, ata que o seu irmán Eric, falou con Peter Masterson para que lle dese un papel no drama Blood Red, que non triunfou. A película ía ser dirixida polo propio Eric e o veterano Dennis Hopper.

Debutou na pantalla grande en Mystic Pizza (1988). En 1990, xunto a Richard Gere interpretou a unha prostituta en Pretty Woman, co que obtivo un nomeamento ó Oscar. O seu entrañable personaxe en Pretty Woman seduciu a público e crítica. Daquela converteuse na actriz mellor pagada de Hollywood cun salario de entre 16 e 17 millóns de dólares por película. Sempre foi un reclamo millonario para a billeteira.

Sendo unha das raíñas da comedia romántica, non lograra demostrar a súa valía en papeis máis serios. Esa espiña sacoulla uns anos máis tarde grazas a súa interpretación en Erin Brockovich, que lle valeu por fin o Oscar á mellor actriz. No ano 2001, Julia coprotagonizou xunto a Brad Pitt o filme The Mexican.

Vida persoal

Julia tivo moitos mozos, entre eles os actores: Liam Neeson, Dylan McDermott, Kiefer Sutherland, Jason Patric e Daniel Day-Lewis.

Casou o 27 de xuño de 1993 coa estrela da música country Lyle Lovett, en Marion (Indiana). A unión durou ata marzo de 1995 en que se divorciaron, aínda que ambos manteñen desde entón unha boa relación.

Na rodaxe do filme The Mexican namorou do cámara Danny Moder, rompendo a súa relación con Brad. Danny e Julia casaron en xullo de 2002. O domingo 28 de novembro de 2004 Julia Roberts tivo nos Ánxeles ós xemelgos Phinnaeus Walter e Hazel Patricia. O 18 de xuño de 2007 nacía o terceira fillo da parella, Henry Daniel Moder.

Filmografía

• Blood Red (1986)
• Satisfaction (1987)
• Baja Oklahoma (1987)
• Mystic Pizza (1988)
• Steel Magnolias (1989)
• Pretty Woman (1989)
• Flatliners (1990)
• Sleeping with the Enemy (1990)
• Elixir un amor (1991)
• Hook, o capitán Garfo (1991)
• The Player (1992)
• O informe pelicano (1993)
• A century of cinema (1994)
• I Love Trouble (1994)
• Prêt-à-porter (1994)
• Algo de que falar (1995)
• Michael Collins (1996)
• Mary Reilly (1996)
• Todos din I Love You (1996)
• My Best Friend's Wedding (1997)
• Conspiracy Theory (1997)
• Stepmom (1998)
• Notting Hill (1999)
• Runaway Bride (1999)
• Erin Brockovich (2000)
• Ocean's Eleven (2000)
• America's Sweethearts (2001)
• Confessions of a Dangerous Mind (2002)
• O sorriso de Mona Lisa (2003)
• Closer (2004)
• Ocean's Twelve (2004)
• Ant Bully, benvido ao formigueiro (2006)
• Charlotte's Web (2006)
• Charlie Wilson's War (2007)
• Fireflies in the Garden (2008)
• Duplicity (2009)
• Historias do San Valentín (2010)
• Eat Pray Love (2010)
• Larry Crowne (2011)

Premios

Oscars

Globos de Ouro

Premios BAFTA

Premios do Sindicato de Actores

Festival Internacional de Cine de Donostia

Notas