Juvecaserta | |
Información xeral | |
---|---|
Nome | JuveCaserta Basket |
Liga | Sen inscrición |
Fundación | 1951 |
Historia | S.C. Juventus Caserta (1951-1998) |
Cores | Branco, negro |
Presidente | Nicola D'Andrea |
Adestrador | Massimiliano Oldoini |
Patrocinador | Decò |
Localización | |
Cidade | Caserta, Italia |
Pavillón | PalaMaggiò |
Capacidade | 6 387 |
Inauguración | 1993 |
Campionatos | |
Liga Italia | 1 (1991) |
Copa Italia | 1 (1988) |
scjuvecaserta.it |
O Juvecaserta Basket é un club de baloncesto italiano da cidade de Caserta, Campania. Fundado no ano 1951, os seus maiores éxitos foron o título de Liga en 1991 e de Copa en 1998. Tras competir desde a temporada 2010−11 na máxima categoría do baloncesto italiano, en 2017 debido a problemas financeiros perden a categoría. Desde a temporada 2020−21 o equipo non está inscrito en ningunha competición. O Juvecaserta xoga os seus partidos como local no PalaMaggiò, pavillón con capacidade para 6 387 espectadores.
O club foi fundado en 1951 por un grupo de seguidores locais do baloncesto co nome de Sporting Club Juventus. O nome do equipo foi escollido por Santino Piccolo, fan do equipo de fútbol homólogo de Turín. O equipo botou a andar nas pistas de arxila do Liceo Classico Pietro Giannone. Os maiores éxitos do club chegan a partir da segunda metade da década de 1980. O primeiro éxito foi a participación na final de Liga da temporada 1985–86, onde perden por 2 partidos a 1 contra o Simac Milano. Volverían repetir final na temporada seguinte, volvendo perder de novo ante os de Milán. Porén, finalmente conseguirían alzarse co campionato na temporada 1990–91, tamén ante os Milano, sendo o primeiro equipo do sur de Italia en conseguir facerse co título. Antes, en 1988, xa conseguiran o seu primeiro título o gañar a Copa ante o Divarese Varese (113-100). A nivel europeo conseguen chegar eses anos á final da Copa Korać en 1986, onde perden ante o Banco di Roma Virtus (72-73), e á final da Copa Saporta de 1989, onde perden ante o Real Madrid (117-113). Na tempada 1997−98, o club declárase en bancarrota. En 2004, dous equipos da cidade de categorías inferiores uníronse baixo o nome Juvecaserta. Na temporada 2009−10 regresan á Serie A, onde permanecen até 2017, cando son descendidos á Serie D debido a problemas financeiros.