La vida breve A vida breve | |
---|---|
Forma | Ópera |
Actos e escenas | 2 actos e 4 cadros |
Idioma orixinal do libreto | Castelán (estreada en francés) |
Libretista | Carlos Fernández Shaw |
Fontes literarias | Baseado nun poema de Fernández Shaw |
Estrea | 1 de abril de 1913 |
Teatro da estrea | Casino Municipal |
Lugar da estrea | Niza |
Duración | 64 minutos |
Música | |
Compositor | Manuel de Falla |
Personaxes | |
Salud (soprano lírico-spinto) |
La vida breve (en galego A vida breve) é unha ópera en dous actos de Manuel de Falla con libreto en castelán de Carlos Fernández Shaw. Foi estreada en francés (sobre unha adaptación de Paul Milliet) o 1 de abril de 1913 no Casino Municipal de Niza. O libretista, un prolífico autor de libretos de zarzuela, deulle a Falla un texto tipicamente andaluz e dramaticamente feble, sobre o cal Falla compuxo unha música na que se fai patente certa influencia do verismo e da estética típica da zarzuela castiza, mais cunha técnica orquestral e un brillo que fixeron desta obra a ópera en castelán máis representada.
Trátase dunha ópera breve, na cal os acontecementos dramáticos se precipitan rapidamente e onde o elemento popular, en forma de danzas e coplas, serve para dar un meirande contido musical, non aportando nada dende o punto de vista dramático - máis ben entorpecendo a acción. Porén, é xustamente nas danzas e nos elementos populares, onde se encontra o mellor da música. Só unha dirección escénica intelixente e imaxinativa pode salvar a La vida breve como peza teatral, dada a dificultade de narrar axeitadamente os acontecementos sen caer na confusión ou o tópico, nunha obra que segundo Federico Sopeña "apenas montada como ópera-ballet resiste".[2]
Os fragmentos máis célebres da ópera son as dúas danzas sinfónicas, que decote se interpretan como pezas de concerto.
Personaxe | Rexistro | Elenco na estrea, 1 de abril, 1913 (Director: Jacques Miranne) |
---|---|---|
Salud, xitana amante de Paco | soprano | Lillian Grenville |
Paco, señorito | tenor | David Devriès |
Salvador, tío de Salud | baixo | Édouard Cotreuil |
A avoa de Salud | mezzosoprano | Renée Fanty |
Carmela, moza de Paco | mezzosoprano | Mlle Gerday |
Manuel, irmán de Carmela | barítono | Termany |
Un cantaor | barítono | |
Primeira vendedora | contralto | Daurelly |
Segunda vendedora | mezzosoprano | A Bernard |
vendedor | baixo | |
Voz da fragua | tenor | Rouziery |
![]() |
A Galipedia ten un portal sobre: Ópera |