Odense

Localización
55°24′N 10°23′L / 55.4, 10.38Coordenadas: 55°24′N 10°23′L / 55.4, 10.38
Estado federado	Dinamarca
Region of Denmark (en)	Dinamarca do Sul (pt)
Municipios	Odense (pt)
Capital de	Fiónia (pt) Odense Municipality (1838-1970) (en) (–1970) Odense (pt) (1970–)
Poboación
Poboación	176.683 (2017)
Xeografía
Altitude	13 m
Creación	1355
Organización política
• Xefe do goberno	Peter Rahbæk Juel (en) (2016–)
Identificador descritivo
Código postal	5000
Fuso horario	UTC+01:00, horario estándar UTC+02:00, horario de verán
Prefixo telefónico	6
Outro
Irmandado con	Katowice St Albans Shaoxing (pt) ../... 22+
Páxina web	odense.dk

Odense^[1] é unha comuna e cidade de Dinamarca, situada na rexión de Syddanmark, na illa de Fionia. Ten unha poboación de 172.512 habitantes (2014), sendo a terceira cidade máis poboada de Dinamarca.

Historia

O nome de Odense provén de Odins Vi que significa 'o Santuario de Odin', en relación coa antiga mitoloxía escandinava. É unha das cidades máis antigas de Dinamarca. En 1988 celebrou os 1.000 anos de antigüidade. O Templo de San Knud foi durante a Idade Media un importante punto de peregrinación para honrar ao rei Knud, asasinado no 1086. En 1805 converteuse na sede da asemblea provincial de Fionia.

Arquitectura

• Catedral de San Knud: é unha das maiores de Dinamarca. É de estilo gótico. Foi construída entre 1081 e 1093 e reconstruída no século XIII. Aquí está enterrado o rei Knus, patrón de Dinamarca, que disputou con Guillerme de Normandía a posesión de Inglaterra e que morreu asasinado no ano 1086. A catedral contén un retablo en forma de tríptico de máis de 5 metros de altura. Foi esculpido por Claus Berg, mestre escultor nacido en Odense. O retablo contén máis de 300 figuras. A catedral ten tamén pías bautismais do ano 1720.
• Casa de Hans Christian Andersen: está situada nun barrio completamente remodelado e que conserva casas de principios do século XIX. A vivenda na que Andersen pasou parte da súa vida converteuse nun museo no que se poden ver diversos manuscritos das súas obras así como debuxos e esbozos de viaxes realizadas polo escritor.
• Pobo Fioniano: trátase dun museo ao aire libre no que se poden visitar unha vintena de casas e granxas típicas da zona completamente reconstruídas. O museo permite ver como era a vida rural na provincia nos séculos XVI e XVII.

Veciños notábeis

• Hans Christian Andersen (1805–1875), novelista, poeta e escritor de relatos curtos.
• Carl Nielsen (1865–1931), compositor clásico.
• Canuto IV de Dinamarca (c. 1043–1086), tamén coñecido como Canuto o Santo.
• Carl Frederik Tietgen (1829–1901), banqueiro e filántropo.
• Thomas B. Thrige (1866–1938), inventor.
• Anja Andersen (nada en 1969), xogadora de balonmán
• Birgitte, Duquesa de Gloucester (nada en 1946).
• Caroline Wozniacki (nada en 1990), xogadora de tenis
• Peter Eastgate (nado en 1985), xogador de póker.
• Abraham Kurland (1912–1999), medallista olímpico.
• Kim Larsen (nado en 1945), estrela de rock.
• Jens Galschiøt (nado en 1954), escultor.
• Frederik Klokker (nado en 1983), xogador de crícket.
• Mø (nada en 1988), cantante.
• Ove Sprogøe (1919–2004), actor.

Notas

Véxase tamén

Commons ten máis contidos multimedia sobre:  Odense

Ligazóns externas

• Sitio oficial de Odense (en dinamarqués)
• Odense - City of Hans Christian Andersen