Pascal Yoadimnadji | |
---|---|
Nacemento | 8 de abril de 1950 |
Lugar de nacemento | Béboto |
Falecemento | 23 de febreiro de 2007 |
Lugar de falecemento | 5.º arrondissement de Paris |
Causa | hemorraxia cerebral |
Nacionalidade | Chad |
Ocupación | político e avogado |
[ editar datos en Wikidata ] | |
Pascal Yoadimnadji, nado en 1950? en Beboto, rexión de Logone Oriental (no sur do Chad) e finado o 23 de febreiro de 2007 en París, foi o primeiro ministro do Chad dende o 4 de febreiro de 2005 até a súa morte.[1] Era membro do grupo étnico Gor.[2]
Pascal Yoadimnadji foi designado primeiro ministro polo Presidente Idriss Déby o 4 de febreiro de 2005 tras a renuncia de Moussa Faki.[2] Previamente, Yoadimnadji fora ministro de agricultura desde xullo de 2004. Tamén rexeu como director do comité electoral durante a elección presidencial de 1996, e como presidente do Consello Constitucional do Chad, como tamén foi avogado.
O 21 de febreiro de 2007, Yoadimnadji sufriu un accidente cardiovascular, e caeu en coma. Foi trasladado a Francia para recibir tratamento médico. Morreu de hemorraxia cerebral o 23 de febreiro nun hospital en París. Déby declarou 4 días de loito nacional tras o seu pasamento.