Scott Charles Bigelow, nado o 1 de setembro de 1961 en Asbury Park, Nova Jersey e finado o 19 de xaneiro de 2007 en Hudson, Florida, foi un loitador profesional estadounidense, máis coñecido polo seu nome artístico no cadrilátero Bam Bam Bigelow. Bigelow era coñecido por ser un dos máis áxiles na loita profesional da historia, malia os seus 180 quilogramos (400 libras).[1] A súa carreira durou máis de vinte anos, desde o ano 1985 ata o ano 2005. O seu trazo máis recoñecible era unha tatuaxe que atravesaba a maior parte da súa calva.