SD Pol
Nome	Sociedade Deportiva Pol
Alcume(s)	Polenses
Fundación	2 de xaneiro de 1979 (45 anos)
Estadio	Manuel Luna, Mosteiro, Pol
Inauguración	19 de agosto de 1979
Capacidade	300 espectadores
Presidente	Ramiro Rodríguez
Adestrador	Fernandito
Liga	Preferente – Grupo 1
2023/24	10º
Na rede
http://www.sdpol.org
Titular Alternativo

A Sociedade Deportiva Pol é un equipo de fútbol da parroquia de Mosteiro, no concello de Pol. Actualmente xoga no Grupo Norte da Preferente Galicia.

A SD Pol naceu o 2 de xaneiro de 1979 no bar Abuíde de Mosteiro, onde se reuniron os primeiros responsables do club. O primeiro presidente foi Manuel Luna. Con el procedeuse á construción do estadio sobre un terreo veciñal, que recibiu o nome do Aturuxo e que foi rebautizado posteriormente de forma oficial como estadio Manuel Luna. No seu primeiro ano de existencia, o club rematou sétimo clasificado da extinta Liga das Rías Altas (nome do grupo norte lucense da antiga Segunda Rexional, hoxe Segunda Galicia).

Despois de oito tempada na Segunda Rexional, o equipo logrou o ascenso á Primeira Rexional na tempada 1986/87, tras proclamarse campión e culminar a competición cunha histórica goleada sobre o Rodeiro por 18-0.^[1] Mantívose durante catro campañas en dita categoría, ata que volveu descender na 1990/91. Durante as seguintes tres décadas militou na Segunda Rexional (chamada dende 2006 Segunda autonómica), agás dous efémeros pasos pola Primeira nas campañas 1996/97 e 2000/01.

En 2011 descendeu á Terceira Autonómica e alternou as dúas últimas categorías do fútbol galego ata que en 2018 conseguiu o ascenso á Primeira Galicia. Tras varios anos na categoría, ao remate da 2023/24 ascendeu por primeira vez na súa historia á Preferente, ao proclamarse campión do grupo lucense de Primeira.^[2]

A SD Pol contou tamén con diferentes formacións de cadetes, xuvenís e veteranos. Na tempada 2006/07 creou un equipo de baloncesto júnior, que continuou cun equipo afeccionado que xoga en Segunda Provincial. O club conta con 49 licenzas federativas e 186 socios.

As medidas do campo Manuel Luna son 105 x 62 m. O complexo do estadio conta, á parte de co campo, cun muro que rodea o recinto, vestiarios, almacén de material e bar. Está prevista unha reforma do campo para dotalo de bancada e de novas instalacións auxiliares en 2010.

O complexo foi inaugurado cun partido amigable entre o CD Lugo e o RC Deportivo da Coruña.

Tempada Categoría Posto 1979/80 2ª Rexional 7º 1980/81 2ª Rexional 4º 1981/82 2ª Rexional 9º 1982/83 2ª Rexional 1º 1983/84 2ª Rexional 6º 1984/85 2ª Rexional 10º 1985/86 2ª Rexional 3º 1986/87 2ª Rexional 1º 1987/88 1ª Rexional 19º 1988/89 1ª Rexional 10º 1989/90 1ª Rexional 6º 1990/91 1ª Rexional 18º 1991/92 2ª Rexional 13º 1992/93 2ª Rexional 11º

Tempada Categoría Posto 1993/94 2ª Rexional 10º 1994/95 2ª Rexional 13º 1995/96 2ª Rexional 2º 1996/97 1ª Rexional 18º 1997/98 2ª Rexional 9º 1998/09 2ª Rexional 4º 1999/00 2ª Rexional 2º 2000/01 1ª Rexional 17º 2001/02 2ª Rexional 6º 2002/03 2ª Rexional 8º 2003/04 2ª Rexional 5º 2004/05 2ª Rexional 7º 2005/06 2ª Rexional 4º 2006/07 2ª Autonómica 5º

Tempada Categoría Posto 2007/08 2ª Autonómica 13º 2008/09 2ª Autonómica 8º 2009/10 2ª Autonómica 6º 2010/11 2ª Autonómica 14º 2011/12 3ª Autonómica 6º 2012/13 3ª Autonómica 1º 2013/14 2ª Autonómica 12º 2014/15 2ª Autonómica 15º 2015/16 3ª Autonómica 3º 2016/17 2ª Autonómica 7º 2017/18 2ª Galicia 2º 2018/19 1ª Galicia 9º 2019/20 1ª Galicia 3º 2020/21 non competiu

Tempada Categoría Posto 2021/22 1ª Galicia 2º / 10º 2022/23 1ª Galicia 5º 2023/24 1ª Galicia 1º 2024/25 Preferente —

• Primeira Galicia (1): 2023/24.
• Segunda Galicia (2): 1982/83, 1986/87.
• Terceira Galicia (1): 2012/13.
• Copa Deputación de Lugo (1): 1985/86.

• Web oficial da SD Pol
• consultar a clasificación da S.D.Pol^{[Ligazón morta permanente]}