.jpg){kind=spacer} (1952)  | |
| Nome orixinal | (ja) 中井 猛之進 |
|---|---|
| Biografía | |
| Nacemento | 中井 猛之進 9 de novembro de 1882 Gifu, Xapón |
| Morte | 6 de decembro de 1952 (70 anos) Toquio |
| Causa da morte | hemorraxia cerebral |
| Cargos profesor universitario, director do Museo Nacional de Ciencias de Toquio | |
| Datos persoais | |
| País de nacionalidade | Imperio do Xapón (–1947) Xapón |
| Educación | Universidade de Toquio |
| Actividade | |
| Campo de traballo | Botánica |
| Ocupación | botánico , catedrático |
| Empregador | Universidade de Toquio |
| Lingua | Lingua inglesa |
| Obra | |
| Abreviación dun autor en botánica | Nakai |
Takenoshin Nakai (en xaponés 中井 猛之進, Nakai Takenoshin), nado en Gifu o 9 de novembro de 1882 e finado en Tokio o 6 de decembro de 1952,[1] foi un botánico xaponés.
Despois de facer os seus estudos na Universidade de Toquio, desde 1927 foi profesor de botánica en dita Universidade.
Entre 1909 e 1942, Nakai dedicouse ao estudo da flora coreana. En 1910 o Xapón anexionou a Corea ao seu imperio.[2][3] e Nakai –xa daquela un científico respectado- foi nomeado "botánico gobernamental de Chosen" (o nome xaponés para a "nova provincia"). Debido ao descoñecemento científico que había do país, a longa e difícil expedición ás zonas montañosas, deu os seus froitos en diversas obras, como Flora coreana e Flora selvática coreana.
Desde 1943 a 1945 Nakai dirixiu o Xardín botánico de Buitenzorg (hoxe Bogor),[4] e o Xardín botánico de Cibodas en Cianjur.[5] ambos os dous na illa de Xava, durante a ocupación xaponesa da Indonesia neerlandesa.
Acabada a segunda guerra mundial foi profesor de taxonomía vexetal na Universidade de Toquio, onde tivo alumnos que serían botánicos de sona, como Hiroshi Hara (1911-1986) e Fumio Maekawa (1908-1984).
En 1947 foi nomeado director do Museo Nacional de Ciencias de Toquio.[6]
Foi especialista en algas, pteridófitas, briófitas e espermatófitas.
O Índice Internacional de Nomes de Plantas inclúe 4 733 rexistros de nomes de plantas dos que Nakai é o autor ou coautor.[7]
Ademais da súa copiosa produción bibliográfica propia, tamén editou obras de grandes botánicos: a Flora iaponica de Carl Peter Thunberg (Tokio 1933), a Hydrangeae genus de Philipp Franz von Siebold (1938), e a Supplemetum plantarum... Generum plantarum editionis secunda de Linneo (Tokio, 1936).
Diversas especies vexatais e animais foron bautizadas no seu honor:
A abreviatura Nakai emprégas para recoñecer a Takenoshin Nakai como autoridade na descrición e clasificación científica en botánica.[18]
| Control de autoridades |
|
|---|
