Terra do Norte (en ruso, Се́верная Земля, Sévernaya Zemliá) é un arquipélago de Rusia situado , no océano Glacial Ártico, ao nordeste de Nova Zembla.

Queda ao norte da península siberiana de Taimir entre o mar de Kara e o mar de Laptev. O arquipélago de Terra do Norte foi avistado por en 1913 e cartografado por primeira vez en 1933, converténdose no último arquipélago da Terra en ser descuberto.

Administrativamente, forma parte do krai de Krasnoyarsk da Federación Rusa.

O arquipélago ten as seguintes catro illas maiores:

• Illa da Revolución de Outubro, a maior do arquipélago, con 14.170 km². Foi a primeira en ser explorada na expedición de G. A. Ushakov e N. N. Urvantsev en 1930–32.
• Illa Bolxevique, unha illa montañosa, a máis meridional do grupo e a segunda por tamaño, con 11.031 km².
• Illa Komsomolets, a máis setentrional do grupo e a terceira por tamaño, con 9.006 km².
• Illa Pioneer, con 1.527 km², alberga o glaciar Pioneer.^[1]

Ademais, ten as seguintes illas menores:

• Illa Schmidt, con 467 km², a máis afastada do grupo, situada ao noroeste do arquipélago, nunha zona case de permanentes xeos, a illa está case cuberta por completo polo «campo de hielo Schmidt».^[2] Leva o seu nome en honor do científico ruso Otto Schmidt (1891 — 1956).
• Illa Maly Taymyr, con 232 km², está no mar de Laptev.
• Illa Starokadomsky, pequena illa próxima a Maly Taimyr, fronte a súa costa noroccidental, separado dela por un estreito duns 6 km de anchura.
• Arquipélago Sedov
• Illa Lishni
• Illa Vostóchniy, situada ao sur da illa Bolxevique.