Os UConn Huskies son o equipo deportivo da Universidade de Connecticut. Os equipos dos Huskies participan nas competicións universitarias organizadas pola NCAA, e forman parte da Big East Conference, excepto en hóckey sobre xeo masculino, que compite na conferencia Atlantic Hockey, e en hóckey sobre xeo feminino, que compite na conferencia Hockey East.
O equipo de baloncesto cobrou importancia a finais dos anos 90, gañando o título en 1999 e en 2004. Talvez o programa de baloncesto sexa o máis importante da universidade, xa que deu talentos coma Richard Hamilton, Emeka Okafor, Ray Allen, Ben Gordon, Charlie Villanueva, Rudy Gay, Clifford Robinson,Corny Thompson, Caron Butler ou Donyell Marshall.