Walter Pidgeon | |
---|---|
![]() | |
Nome completo | Walter Davis Pidgeon |
Nacemento | 23 de setembro de 1897 |
Lugar | Saint John (Novo Brunswick) |
Falecemento | 25 de setembro de 1984 |
Lugar | Santa Monica (California) |
Causa | Ictus |
Nacionalidade | ![]() |
Educado en | Conservatório de Música da Nova Inglaterra, Universidade do Novo Brunswick e University of New Brunswick Faculty of Law |
Cónxuxe(s) | Edna (Muriel) Pickles (1919-1921) Ruth Walker (1931-1984) |
Profesión | Actor |
Na rede | |
![]() ![]() ![]() ![]() ![]() ![]() ![]() ![]() ![]() ![]() ![]() | |
[ editar datos en Wikidata ] | |
Walter Davis Pidgeon, nado en Saint John (Novo Brunswick) o 23 de setembro de 1897 e finado en Santa Monica (California) o 25 de setembro de 1984 foi un actor canadense.
Asistiu á Universidade de Novo Brunswick, onde estudou leis e arte dramática, pero os seus estudos foron interrompidos pola primeira guerra mundial e alistouse no 65th Battery, Royal Canadian Field Artillery. Porén, non chegou a participar en accións bélicas por mor dun accidente que sufriu. Trala guerra mudouse a Boston, onde traballou nun banco ademais de estudar voz no conservatorio.
Tras marchar a Nova York, pasou varios anos actuando no teatro ata chegar a Broadway en 1925. Durante a década de 1920 tamén participou en moitos filmes mudos, pero non se converteu nunha estrela ata a chegada do cinema sonoro, onde traballou inicialmente en musicais.
Tras varios anos esquecido, recuperou a súa popularidade con Que verde era o meu val (1941), iniciando unha serie de filmes emparellado con Greer Garson.
A mediados da década de 1950 volveu a Broadway e tamén participou en series de televisión, retirándose en 1978.
![]() |
Wikimedia Commons ten máis contidos multimedia na categoría: Walter Pidgeon ![]() |