Xurxo Sincelo

Biografía
Nacemento	século VIII
Morte	810 (>810)
Datos persoais
País de nacionalidade	Imperio Bizantino
Relixión	Cristianismo ortodoxo
Actividade
Ocupación	historiador , escritor , filósofo , clérigo
Lingua	Grego medieval (pt)
Obra
Obras destacables (década de 800) Chronography (en)

Xurxo Sincelo, ou Xurxo o Monxe, así polo seu oficio eclesiástico, foi secretario persoal (sincelo) do patriarca Tarasio e viviu a finais do século VIII e inicios do IX.

Traxectoria

É a principal fonte de coñecemento e transmisión da Aegyptiaca, ou Historia de Exipto de Manetón, na súa obra Ἐκλογὴ Χρονογραφίας συνταγεῖσα ῦπὸ Γεωργίον Μοναχοῦ Συγκέλλου γεγονότος Ταρασίον Πατριάρχον Κωνσταντινουπόλεως ἀπὸ Ἀδὰμ μέχρι Διοκλητιανοῦ, (Unha crónica selecta escrita por Xurxo Sincelo de Tarasio patriarca de Constantinopla, desde Adán ata Diocleciano), unha historia do mundo que partindo desde Adán chegaba ata a época do emperador Diocleciano.

Sincelo quería demostrar que Xesucristo nacera o ano 5.500 logo da Creación do Mundo, describindo, indirectamente, a historia de 31 dinastías exipcias que alcanzaban desde o Diluvio Universal ata os tempos de Darío I o Grande, servíndose dos epítomes de Manetón.

Dos seus textos só perduraron dous manuscritos, o do ano 1021, e o de París, o mellor de ambos.

Sincelo utilizou para compor a súa obra o epítome de Eusebio de Cesarea, citándoo, e posiblemente o de Xulio Africano, indirectamente, a través doutros manuscritos. Tamén debeu coñecer outras obras, consideradas pseudomanetonianas, como o Libro de Sozis e a Crónica Antiga.

Véxase tamén

Bibliografía

• Editio princeps di J. Goar (1652) in W. Dindorf, Bonn Corpus scriptorum hist. Byz., 1829.
• H. Gelzer, Sextus Julius Africanus, ii. I (1885).
• H. Gelzer. Sextus Julius Africanus und die byzantinische Chronographie, Leipzig 1898 (rist. Nova York, B. Franklin, 1967).
• C. Krumbacher, Geschichte der byzantinische Litteratur, Múnic, 1897.
• William Adler. Time immemorial: archaic history and its sources in Christian chronography from Julius Africanus to George Syncellus, Washington, D.C., Dumbarton Oaks Research Library and Collection, 1989.
• Alden A. Mosshammer, ed., Georgii Syncelli Ecloga chronographica, Leipzig, Teubner, 1984.
• William Adler, Paul Tuffin, translators. The chronography of George Synkellos: a Byzantine chronicle of universal history from the creation, Oxford, Oxford University Press, 2002.

Ligazóns externas

• Selección de textos de Xurxo Sincello (en inglés))