Zodiac | |
---|---|
Ficha técnica | |
Título orixinal | Zodiac |
Director | David Fincher |
Produtor | Mike Medavoy Brad Fischer Arnold Messer James Vanderbilt Ceán Chaffin |
Guión | Zodiac de Robert Graysmith |
Intérpretes | Jake Gyllenhaal Robert Downey Jr. Mark Ruffalo Anthony Edwards Brian Cox Elias Koteas Donal Logue John Carroll Lynch Dermot Mulroney |
Música | David Shire |
Fotografía | Harris Savides |
Montaxe | Angus Wall |
Estudio | Phoenix Pictures |
Distribuidora | Paramount Pictures (USA) Warner Bros. Pictures (Internacional) |
Estrea | ![]() ![]() |
Duración | 158 minutos |
Orixe | ![]() |
Xénero | Suspense, drama |
Orzamento | $65 000 000[1] |
Recadación | $84 800 000[1] |
Na rede | |
http://wwws.warnerbros.co.uk/zodiac/ | |
![]() ![]() ![]() ![]() ![]() ![]() ![]() ![]() ![]() ![]() ![]() |
Zodiac é un filme de suspense de 2007 dirixido por David Fincher e baseado en dous libros sobre feitos reais escritos por Robert Graysmith: Zodiac e Zodiac Unmasked. Está protagonizada por Jake Gyllenhaal, Mark Ruffalo e Robert Downey Jr..
Un famoso asasino en serie coñecido como "Asasino do Zodíaco" actuou na Área da Baía de San Francisco durante o final dos anos 60, deixando varias vítimas atrás e desconcertando á policía coas súas cartas e correos cifrados á prensa. O filme narra a historia dos homes e mulleres involucrados na caza do asasino, un caso que permanece aínda como un dos crimes sen resolver máis famosos de San Francisco.
Fincher, o guionista James Vanderbilt e o produtor Brad Fischer pasaron 18 meses realizando a súa propia investigación e indagando nos asasinatos de Zodiac. Durante a rodaxe, Fincher utilizou unha cámara dixital Thomson Viper para filmar a película. Foi a primeira vez que se empregou esta cámara para a rodaxe completa dunha produción de Hollywood. As críticas para a película foron positivas e, aínda que non tivo moito éxito no portelo total de norteamérica, o seu éxito no resto do mundo fixo que obtivera unha recadación global de 83.264.441 dólares.
Estreouse en galego o 23 de maio de 2017 a través da TVG.[2]