She troar vainney fondagh yn-ee jeant ass cooid phroteenagh ny bainney eh caashey. Ta ymmodee sorçhyn dy chaashey ayn, as blass as cummey er lheh ec dagh fer; ta'n chooid smoo jeu jeant ass casein liorish glubbey.
T’ad jannoo caashey ass proteen as sahll vainney. She bainney ollee, ollee oaldey, goair as kirree t’ayn son y chooid smoo. T’ad cur er y vainney geayraghey as binjaghey, as t’eh rheynn ayns groo as meaig. Son y chooid smoo ta janteyr caashey cur stiagh stoo toshee gyle bacteyragh er son geayraghey as binjey er son binjaghey, agh ta shiartanse dy chaashey jeant lesh geayr hene; myr sampleyr, ta paneer jeant lesh feeyn geayr, soolagh limon ny geayr elley. T’ad tayrn magh y groo fondagh as eh y ‘aastey ayns faastan.
Ta tree soorçhyn mooarey dy chaashey ayn:
Shimmey sorçh dy chaashey t’ayn. Ta mysh 500 sorçh goit rish ec yn International Dairy Federation. [1] Ta ard-ynseyderyn elley cur enney er 400, 500 ny 1,000. [2] Ta sorçhyn goll er rang-oardraghey rere slattyn towse, myr sampleyr eash appee, coyannoo, saase jannoo,cooid hahllagh,çheeroaylleeaght as reddyn elley. [3] Dy cadjin, t’ad croghey er cooid ‘liugh, cooid hallagh as saase appee.[1][4] Ta shiartanse dy ‘lieh er chur roue corssyn rang-oardree: ta corys Pieter Walstra croghey er bun- as fo-stooghyn toshee as er cooid ‘liugh, as ta corys Walter & Hargrove rere saase jannoo as aarheynn rere cooid ‘liugh.[1]