Ta Israel goll er rheynn magh ayns shey slystyn, ta goll er enney 'syn Ewnish myr mehozot (מחוזות; un. mahoz), as queig fo-lystyn jeig, ta goll er enney 'syn Ewnish myr nafot (נפות, un. nafa). Ta dagh fo-lyst goll er rheynn magh ayns jeih ardjyn najooragh as daeed.
Ta ny staydraa 'syn ard shoh bunnit er earrooyn veih Ard-Rheynn Staydraa Israel as, er yn oyr shen, t'ad goaill stiagh dagh boayl fo reirey theayagh Israel (goaill stiagh ardjyn fo cummaltys Israel 'sy Vroogh Heear as ayns Ardjyn Golan). Ta ny earrooyn heese fo Slyst Jerusalem goaill stiagh Jerusalem Hiar, ta foast er enney ec yn AU myr cooid y Vroogh Heear.
Slyst Hwoaie (Mehoz HaTzafon). Earroo yn phobble: 1,241,900
Preeu-valley: Nasair
Slyst Haifa (Mehoz Heifa). Earroo yn phobble: 880,700
Preeu-valley: Haifa
Slyst Tel Aviv (Mehoz Tel Aviv). Earroo yn phobble: 1,227,900
Preeu-valley: Tel Aviv
Slyst Veanagh (Mehoz HaMerkaz). Earroo yn phobble: 1,770,000
Preeu-valley: Ramla
Slyst Jerusalem (Mehoz Yerushalayim). Earroo yn phobble: 907,300
Slyst Israel (Mehoz HaDarom). Earroo yn phobble: 1,201,200
Preeu-valley: Beersheba
Ard Judaea as ny Samaar (Ezor Yehuda VeShomron). Earroo yn phobble: 327,750 cummaltee Israelagh (jeeagh er Deyn-oaylleeaght y Vroogh Heear son earroo ny Palasteenee)
Caayr Israelagh smoo: Modi'in Illit
Shoh yn rang-oardraghey çheer-oaylleeagh son y chummaltys Israelagh 'sy Vroogh Heear, faagail magh Jerusalem Hiar as thalloo dooinney erbee Israelagh–Jordaanagh faggys da Latrun. Hie yn ard shen fo stiurey Israel ayns Caggey ny Shey Laaghyn 'sy vlein 1967 agh cha row eh goit stiagh. Ta ram Israelee coontey yn thalloo shen myr cooid jeh Eretz Israel, agh cha nel eh coontit myr cooid jeh Steat Israel ec ashoon erbee ny ec yn AU. Jeeagh er Eaghtyrys Ashoonagh ny Palasteen son lught-reill ny Palasteen. Ta Reiltys Theayagh Israel freggyrtagh ayns obbraghey as co-oardaghey ry-cheilley rish yn EAP.