2009

• 19 December - Ghana ke boxer, Joseph Kwadjo, Fiji ke Joy Ali ke Universal Boxing Organization Super Middleweight Inter-continental Title ke fight me Suva ke Vodafone Arena me unanimous points decision se harais.^[1]
• 19 December - Savusavu ke Ganilau Park me promotion/relegation ke duusra leg me Savusavu ke 2-1 se harae ke baad, Nasinu agle saal fir se super premier division me rahii. ^[2]
• 18 December - Cyclone Mick ke kaaran abhi talak samundar me 13 log ke herae ke report milaa hae. ^[3]
• 15 December - Solomon Islands ke pahile waala attorney-general aur Fiji me paida bhais, Australian lawyer, Julian Moti ke virod me se Brisbane ke Supreme Court ke judge, child sex charges ke hatae diis, ii bol ke ki Police, witness ke ghuus diis rahaa. ^[4]
• 14 December - Cyclone Mick, 150 kilimeter per hour hawaa ke saathe Viti Levu ke uppar se gais. Suva, Ba aur Yasawa me baarr ke report milaa. ^[5]
• 26 November - Fiji ke Reserve Bank ke Governor aur Boad ke Chairman, Sada Reddy, batais ki Fiji ke foreign reserve ne sudhar ke kaaran, April me lagae waala parbhand ke 1 January 2010 me hatae dewa jaai. ^[6]

• 5 November - Fiji me paida bhae Australian academic, Briji Lal, ke Fiji expel kar diis. ^[7]
• 4 November - Fiji ke acting High Commissioner, Kamlesh Kumar Arya, ke Australia expel kar diis, Fiji me Australia ke High Commissioner ke expel kare ke badle me. ^[8]
• 4 November - Fiji ke self-style prime minister, Frank Bainimarama, Australia aur New Zealand ke high commissioners ke Fiji se nikle ke 24 ghanta diis kahe ki Canberra aur Wellington Fiji ke judiciary se interfere kare hae. ^[9]
• 12 October - Navua ke football team, final me Lautoka ke 2-0 se harae ke, 71st Inter-District Championship ke pahila dafe jiitis.^[10]
• 30 September - Ek 7.6 Mw earthquake ke kaaran Indonesia ke Sumatra island me 450 log ke maut hoe gais.

• 29 September - Samoa me juar bhata (tsunami) jon ki samundar ke niche ke earthquake ke kaaran bhais rahaa, se 110 log ke maut hoe gais.
• 25 September - 2010 se Fiji me ek nawaa University, Fiji National University, Fiji School of Medicine (FSM), Fiji Institute of Technology (FIT), Fiji College of Advanced Education (FCAE), Fiji School of Nursing (FSN), Fiji College of Agriculture (FCA) aur Lautoka Teachers College (LTC) ke jorr ke banawa jaai. ^[11]
• 12 September - Fiji ke dui aurat, jiske "sex slaves" banawa gais rahaa, ke Edmonton, Canada ke police bachae liis. ^[12]
• 11 September - Fiji me dui Bollywood film banae ke khatir October me agreement ke uppar sign karaa jaai.^[13]
• 11 September - Fiji ke ek admii ke churri se maare ke baad, London ke ek court, ek 18 saal ke larrka ke chhorr diis. ^[14]

• 9 September - Samoa (jhanda right me) me traffic ke rasta ke left side pe kar dewa gais. Ii 40 saal me dunia ke pahila change hae. (BBC) (Reuters) (Associated Press)

• 2 September - Fiji ke, 2010 me election kare pe raaji nai hoe ke khatir, Commonwealth (jhanda right me) se puura suspend kar dewa gais. ^[15]
• 23 August - 2009 ke Tuckers Ice cream Secondary Schools U19 Inter District Championship ke final me DAV, Ba, Kamil College ke 3-0 se harae ke championship ke fir se jiit liis. ^[16]
• 9 August - 2009 ke Battle of the Giants (BOG) ke final me Ba, Lautoka ke 1 - 0 se hare ke BOG ke 4th time in a row aur 14th dafe jiit liis. ^[17] Semi final me Lautoka, Suva ke 1 - 0 se harais^[18] aur duusra semi-final me Ba, Navua ke 1 - 0 se harais rahaa. ^[19]
• 2 August - Fiji me girmitya logan ke aawe ke 130 saal ke celebration ke time Prime Minister, Frank Bainimarama, batais ki Fiji ke sab log ke ek naam se jaana jaai. ^[20]

• 28 July - Fiji ke President, Ratu Josefa Iloilo, aapan retirement ke announce karis. ^[21]
• 22 July - 21st sentury ke sab se lamba suraj ke puura garhan (eclipse), Asia aur Pacific Ocean me bhais. (ABC News Australia)

  

• 20 July - 2008 Mumbai attacks ke khaali ek bachaa gunman, Ajmal Kasab, Indian court me guilty plead karis. (Associated Press) (The Times of India)
• 17 July -Fiji ke larrki logan ke saadi kare ke legal marriage age ke 16 se barrhae ke 18 kar dewa gais. ^[22]

• 25 June - U.S. pop singer Michael Jackson ke maut, heart attack ke kaaran, Los Angeles, California ke UCLA Medical Center me bhais.
• 12 June - 20 saal me pahila dafe, India, Kashmir ke town aur city se aapan soldier log ke hatai.
• 11 June - World Health Organization, swine flu (H1N1) ke bemari ke “pandemic” ghosna karis. Ii 1968 Hong Kong flu ke baad pahila pandemic hai.
• 9 June - Melbourne aur Sydney me Hindustani student ke uppar racist attack ke kaaran protest protest bhais.
• 17 May - Sri Lanka ke President, 26 saal ke civil war ke baad, Liberation Tigers of Tamil Eelam (LTTE) ke uppar jiit ke announce karis.

• 17 May - India ke Congress Party aur uske allies general election me aur bhari majority se jiit gais.
• 1 May - The Pacific Islands Forum Fiji me political, legal aur human rights prastithi ke kaaran, Fiji ke membership ke indefinitely suspend kar diis.^[23]
• 27 April - Feroz Khan, Hindi film actor, ke maut, Bangaluru, India me bhais rahaa. (janam:25 September 1939) ^[24]
• 8 April - L'Aquila, Italy me ek earthquake ke kaaran 207 log ke maut aur 17,000 logan homeless hoe gain.

• 5 April - Ek ice ke pul jon ki Antarctica ke Wilkins Ice Shelf (right) ke Charcot Island se jorre hai global warming ke kaaran tuut gais.
• 22 March - India ke Board of Control for Cricket 2009 Indian Premier League ke South Africa me khele ke decide karis. [1]

• 7 March - Ba ke football team, Govind Park, Ba me, Lautoka ke 1-0 aur 4-2 se harae ke 17th Champion versus Champion tournament ke jiit liis.
• 3 March - Sri Lanka national cricket team ke paanch player log ke Lahore, Pakistan me terrorist logan daag ke ghayal kar diin.
• 28 February - 54th Filmfare Awards me Jodha Akbar ke Best Film, Actor, Director, Background Score aur Lyricist ke award milaa.
• 22 February - 81st Academy Awards me Slumdog Millionaire ke aath Academy Awards jisme Best Picture bi rahaa, milaa.
• 8 February - BAFTA Award for Best Film me Slumdog Millionaire ke Best Film ke award milaa.
• 7 February - Victoria, Australia me jangle me aagi ke kaaran 181 log ke maut hoe gais aur 1000 ghar jar gais. ^[25]

• 5 February - Sri Lanka ke Muttiah Muralitharan 503 One Day International wicket lae ke dunia ke highest one-day wiket taker hoe gais.

• 30 January - Fiji ke retired Supreme Court Judge, Sir Moti Tikaram ke New Delhi me Indian Diaspora Celebrations ke time "Sardar Vallabhai Patel Award" dewa gais. ^[26]
• 30 January - Fiji ke 10 town aur city councils ke Interim Sarkar dismiss kar diis. ^[27]

• 20 January - Barak Obama ke United States ke 44th President ban gais.

• 15 January - US Airways Flight 1549, ek Airbus A320, New York City ke LaGuardia Airport se take off kare ke thorra deri baad, Hudson River me emergency landing karis , jab kuchh chirrya uske engine se dhakka maar diis.
• 12 January - Fiji, north-west district me, Cyclone Gene ke kaaran, baarr se aath log ke maut hoe gais. [2]
• 11 January - 66th Golden Globe Awards me Slumdog Millionaire ke Best Motion Picture, Best Director, Best Screenplay aur Best Original Score ke award milaa.