Biologia
instantia de: branca del scientia[*], disciplina academic[*], academic major[*]
subclasse de: scientia natural
Commons: Biology

Le biologia (scientia del vita; ab le greco βιολογία, componite de bió(s), "vita", e lógos, derivate de lógein, "discuter, rationar, studiar") es le scientia que studia tote materia vivente in tote su formas e phenomenos, relativemente al organismo o gruppos de organismos vivente.

Le biologia, in le senso large, tracta del studio del esseres vivente, plantas e animales, in tote lor aspectos.

Illo es un branca del scientias natural que studia le vita de tote le punctos de vista:

• Le typos e characteristicas del esseres vivente (zoologia, botanica, microbiologia...).
• Le structura del esseres vivente e su functionamento, del nivello molecular (biochimia); genetic (genetica); cellular (biologia cellular); organic (organographia); etc. (anatomia, physiologia... ).
• Le relationes con le milieu physic e biologic (ecologia).

Classificationes biologic

Le classificationes del esseres vivente es multo numerose, del division traditional in duo regnos (animales e plantas), stabilite per Carl von Linné in le seculo 18, al propositiones actual del systemas cladistic con tres dominios (bacterios, archeos e eucaryotes) comprendente inter se mesme plure regnos.

Un classification traditional, acceptate pro su utilitate ben que illo non es completemente natural, divide le esseres vivente in cinque regnos:

Monera, Protista, Fungi, Plantae, Animalia.

Alicun "organismos" es le objecto del biologia, mesmo si le majoritate del biologos non los considera esseres vivente. Illos include le viruses, viroides, e priones.

Vide etiam

Brancas major del biologia

Zoologia, Botanica, Microbiologia, Bacteriologia, Mycologia, Taxonomia, Paleontologia, Physiologia, Biophysica, Biochimia, Biologia molecular, Biologia cellular, Cytologia, Biologia structural, Genetica, Anatomia, Biotechnologia, Biología del disveloppamento, Biologia marin, Ecologia (Symbiologia, Autecologia), Ethologia, Evolution, Immunologia, Maladias infectiose (Pathologia, Epidemiologia), Virologia, Oncologia (le studio del cancere), Toxicologia (le studio de venenos e pollution), Parasitologia, Ontogenia, Phylogenia.

Personas e historia

• Biologos famose
• Historia del biologia
• Premio Nobel pro Physiologia o Medicina

Alteres

• Chordatos
• Medicina
• Anthropologia physic

Bibliographia

• David R. MADDISON, The Tree of Life, http://phylogeny.arizona.edu/ Archived 2003-04-23 at the Wayback Machine.
  Un projecto distribuite e multi-autor con information super phylogenia e biodiversitate, in linea (in anglese).
• Colin TUDGE, Le varietate del Vita: Historia de tote le creaturas del terra.
  Un extense manual que collige le classification de TOTE le gruppos importante que existe, e existeva, super le terra, con descriptiones. Multo actual.
• Lynn MARGULIS e K. N. SCHWARTZ, Cinco reinos. Guía ilustrada de los phyla de la vida sobre la Tierra.
  Barcelona, Labor.1985. (in espaniol).
• Neil CAMPBELL, Biology: Concepts and Connections, 3rd ed., Benjamin/Cummings 2000.
  Un libro de texto universitari (in anglese).
• John W. KIMBALL, Kimball's Biology Pages, http://www.ultranet.com/~jkimball/BiologyPages/ Archived 2002-06-04 at the Wayback Machine.
  Un libro de texto in linea(in anglese).

Wikimedia Commons ha files multimedia de: Biologia