 | ||||||||||||||||
|---|---|---|---|---|---|---|---|---|---|---|---|---|---|---|---|---|
 | ||||||||||||||||
|
Domesticate
| ||||||||||||||||
| Classification scientific | ||||||||||||||||
| ||||||||||||||||
| Equus ferus caballus Linnaeus, 1758[1] | ||||||||||||||||
|
48, listate hic |
Le familia Equidae contine septe species existente: 3 zebras, 2 asinos e 2 cavallos. Le duo cavallos es le cavallo salvage asian (Equus przewalskii) e le cavallo domesticate (Equus caballus).
Olim on supponeva que le cavallo domesticate descendeva del cavallo salvage (Cavallo de Przewalski o Equus przewalskii) mais secundo un articulo in "New Scientist" (2003-12-06), scientistas del universitate in Vienna pro studios genetic ha demonstrate que iste species se ha divergite ante plus de 120.000 annos. Le cavallo domesticate solmente ha existite durante 6.000 annos.
Le cavallo e le asino es tanto affin que illos pote obtener proles appellate mulos o mulas dependente del sexo. Si le matre es un cavallo le prole essera plus grande e plus simile a un cavallo mais le aures simila le aures longe del asino. Si le matre es un asina le prole essera minor mais le capite simila un cavallo. In plure linguas il ha nomines differente pro iste animales. In ambe casos le proles essera sterile pois que le cavallo ha 64 chromosomas e le asino 62. Per consequente le proles habera 63, lo que impedi reproduction.
Il es equalmente possibile hybridar zebras e cavallas o asinos feminin mais iste proles non ha devenite usabile.
Le unic cavallo salvage es hodie
- Le cavallo salvage asian (Equus przewalskii). Illo quasi esseva extinguite in le natura, sur le steppas de Mongolia, ma ha se recuperate in parcos zoologic, e ha recentemente essite reconducite al natura.
Olim existeva anque tres altere cavallos salvage; le tarpan, le cavallo steppic arctic e le cavallo silvatic.
- Le tarpan (Equus caballus gmelini) viveva in Polonia usque al dece-none seculo quando illo esseva extinguite. On ha essayate reingenerar lo e hodie il ha tal cavallos ma illos naturalmente non es ver tarpanes.
- Le cavallo steppic arctic viveva olim in Sibiria e hodie il ha un cavallo domesticate, le vacutponny, que forsan es affin a illo.
- Le cavallo silvatic esseva un grande cavallo pesante in le nord de Europa, e previemente on supponeva que nostre moderne cavallos de sanguine frigide descendeva de illo.
In plure areas del mundo il ha cavallos que ha devenite salvage ma illos descende de cavallos domesticate. Un tal cavallo es le mustang american que descende de cavallos del conquistadores espaniol. Antea il non habeva cavallos sur le continentes american ma on crede que le cavallo original, Eohippus, viveva in America. Illo esseva tanto parve como un can.
- Le cavallo domestic (Equus caballus) esseva domesticate ante 6.000—10.000 annos e ha desde alora essite usate como animal de tracto o animal de sella ma anque como nutrimento. Dependente del uso e su exigentias on ha ingenerate multe racias con colores differente e con plure typos de statura corporal. Le scientistas non ha essite de accordo si omne racias proveni de un singule o plure ancestres. Recercas per professor Hans Ellegren et al., Svedia, publicate in le revista Nature Genetics 2004, ha demonstrate que un parte del chromosoma Y es le mesme in omne racias, grande e parve. Le conclusion esseva que omne cavallos domesticate proveni de un singule stallon. Del mesme maniera on ha trovate que il ha al minus un centena de ancestres feminin. Dunque il es probabile que le homine de bon hora discoperiva que il es plus importante ingenerar stallones apte. Le causa de isto naturalmente es que stallones pote lassar multo plus pullos durante su vita que un cavalla, lo que anque hodie dirige le elevamento. Le altor e le peso del cavallo pote variar ab 0,5m/14kg (Falabella) usque a 1,95m/1400kg (Percheron). Le limite pro esser registrate in le organisation de cavallos miniatura es 0,86 m.
Vocabulario referente a cavallos
[modificar | modificar fonte]- Cavallo — cavallo con un altitude final al minus 148 cm.
- Pony — cavallo con un altitude final minus que 148 cm
- Cavalla — cavallo feminin
- Stallon — cavallo masculin
- Colt — stallon non sexualmente matur (minus que circa 24 menses)
- Pullo — cavallo nascite durante le anno presente
- Cavallo castrate — stallon castrate
- Cavallo de pur sanguine, arabe o anglese
- Cavallo de sanguine calide
- Cavallo de sanguine frigide
- Cavallo de sella — cavallo pro cavalcada
- Trottator — cavallo pro cursas de trotto
- Galopator — cavallo pro cursas de galopo
- Cavallo ambulator — gamba anterior e posterior del mesme latere es movite parallelmente
- Passo de cavallos islandese
- Ferro de cavallo — guarnitura metallic del ungula
Le partes del corpore equin (imagine copiate del pagina http://de.wikipedia.org/wiki/Pferd )
Iste imagine demonstra plus clarmente ubi le altura del cavallo es mesurate. Alcun ossos que ha un position que differe a illo del ossos human es anque indicate.
Referentias
[modificar | modificar fonte]- ↑ Linnaeus, Carolus (1758). Systema naturae per regna tria naturae :secundum classes, ordines, genera, species, cum characteribus, differentiis, synonymis, locis., 10th edition 1, Holmiae (Laurentii Salvii), 73. Recuperate le 2008-09-08.
Vide etiam
[modificar | modificar fonte]
