Le cocina es un tradition e practica culinari specific de cocer alimentos, sovente associate con un sito de origine. Leges religiose de nutrition pote anque influentiar in grande mesura le traditiones culinari. Un tradition culinari es primarimente influentiate per le ingredientes que es disponibile localmente o gratias al commercio.
Historia
Durante le ultime seculo on ha vidite enorme melioramentos in le production, preservation, e immagazinage de alimentos, e isto ha anque influentiate le cocina. Hodie quasi omne localitate in le mundo ha accesso non solmente a su cocina traditional, ma anque a multe practicas culinari mundial. Nove traditiones culinari emerge constantemente, con le altiamento del popularitate de chefs e lor clientela.
Ingredientes
In addition al alimento, un tradition culinari anque include bibitas (como per exemplo: vino, liquor, the, caffe e alteres). De plus in plus le expertos mantene que le tradition culinari del cocinas regional anque include le ingredientes, isto es le plantas e animales del quales veni le ingredientes pro cata platto. Le movimento global appellate Slow Food (Alimento Lente, in anglese) se effortia a fomentar supporto pro le preservation de plantas e animales local e le technicas pro le preparation de alimentos. Illo ha 70.000 adherentes in 50 paises.
Attitudes
Il ha anque differente attitudes cultural in respecto al alimento, pro exemplo:
In India, le consumption de alimento es un offerta, un Yagna. Assi le stomacho es considerate esser un homagunda (o "foco sancte") e omne alimento ingerite es un offerta al foco sancte.
In Japon, le bibitura de the es un arte, e il ha un ceremonia multo elaborate quanto al servir del the. Non biber le the in le maniera traditional es considerate un acto de barbarismo.
Cocinas international
Le sequente section contine un summario del cocinas mundial. Il es un lista incomplete. Illo es organisate plus o minus secundo un puncto de vista geographic, comenciante in le hemispherio occidental e continuante al est desde le nord al sud.
Le majoritate de iste cocinas, o traditiones culinari, es basate super le cocinas de paises ab le quales le populo immigra, primarimente ab Europa. Nonobstante, le tradition culinari del cocina europee ha essite adaptate in le Americas, e multe ingredientes e technicas local ha influentiate le vetere traditiones:
Cocina canadian, Cocina quebechese, Cocina canadian atlantic, Cocina statounitese, Cocina amerindie, Cocina suburban, Cocina de California, Cocina sino-american, Cocina Tex-Mex, Cocina de Nove Anglaterra, Cocina statounitese del Sud, Cocina Soul o soul food, Cocina cajun, Cocina creol, Cocina centroamerican, Cocina de America del Sud
Altere cocinas
Cocina polynesian, Cocina japonese, Cocina chinese, Cocina del Levante o Proxime Oriente, Cocina nordafrican, Cocina centroafrican, Cocina sudafrican
